- ఎమ్మెల్యే శ్రీధర్‌ బాబుకు కృతజ్ఞతలు : వైస్‌ ఎంపీపీ
నవతెలంగాణ-మల్హర్‌రావు
మండలంలోని రుద్రారం గ్రామ ప్రజల చిరకాల కల సాకారమౌతోందని వైస్‌ ఎంపీపీ బడితెల స్వరూప రాజయ్య తెలిపారు. ఆమె నివాసంలో కాంగ్రెస్‌ పార్టీ మండల అధ్యక్షుడు బడితెల రాజయ్య ఆధ్వర్యంలో గురువారం ఏర్పాటు చేసిన విలేకరుల సమావేశంలో వారు మాట్లాడారు. కొత్త రుద్రారం నుంచి ఉర చెరువు మీదుగా కిలోమీటర్నర దూరంలోని పాత రుద్రారం వరకు తారు రోడ్డు నిర్మాణం కోసం రూ.1.88 కోట్లు, రుద్రారం నుంచి మూడున్నర కిలోమీటర్ల దూరంలో కాటారం మండలంలోని శంకరంపల్లి వరకు తారు రోడ్డు నిర్మాణం కోసం రూ.3.33 కోట్లు అర్షిపిఎల్‌డబ్ల్యూఈఏ స్కీమ్‌ కింద ప్రభుత్వం నుంచి మంజూరు చేయించారని తెలిపారు. త్వరలో పనులు ప్రారంభం కానున్నట్టు చెప్పారు. ఏఐసీసీ కార్యదర్శి, మంథని ఎమ్మెల్యే దుద్దిళ్ల శ్రీధర్‌బాబుకు గ్రామ ప్రజల తరుపున కతజ్ఞతలు తెలిపారు. సమావేశంలో సింగిల్‌ విండో డైరెక్టర్‌ సంగ్గెం రమేష్‌, నాయకులు, గ్రామశాఖ అధ్యక్షుడు భోగే మల్లయ్య, చిగురు సదయ్య, చంద్రగిరి అశోక్‌, గట్టయ్య, బుచ్చయ్య, మహేష్‌, నాగరాజు పాల్గొన్నారు.