నవతెలంగాణ-జఫర్గ్‌డ్‌
రాష్ట్రంలో ఆడపడుచులకు సద్దుల బతుకమ్మ కానుకగా చీరలు అందజేస్తున్నారని ఎమ్మెల్యే తాటికొండ రాజయ్య తెలిపారు. మండలంలోని తిడుగు, సాగరం గ్రామంలో ఆసరా పెన్షన్‌ కార్డులు, బతుకమ్మ చీరలు పంపిణీ చేసి ఎమ్మెల్యే మాట్లాడారు. దేవాదుల ప్రాజెక్టు ద్వారా గోదావరి జలాలు, ప్రతి ఇంటికి మిషన్‌ భగీరథ నీరు అందిస్తున్న ఘనత సీఎం కేసీఆర్‌ దేనని అన్నారు. రైతు బీమా, రైతుబంధు, కళ్యాణ లక్ష్మి, అనేక సంక్షేమ పథకాలు ప్రవే శపెట్టి అమలుపరుస్తున్న ఏకైక ప్రభుత్వం తెలంగాణ రాష్ట్ర ప్రభుత్వమన్నారు. ఈ కార్యక్రమంలో ఎంపీపీ రడపాక సుదర్శన్‌, జెడ్పీటీసీ బేబీ శ్రీనివాస్‌, చైర్మన్‌ గుజ్జారి రాజు, రైతుబంధు మండల కోఆర్డినేటర్‌ కడారి శంకర్‌, వైస్‌ ఎంపీపీ కనకయ్య, సర్పంచ్‌ చందర్‌ స్వప్న భాస్కర్‌, పరిన్‌ రెడ్డి, ప్రజలు పాల్గొన్నారు.
మీ స్నేహితులకు రికమెండ్ చెయ్యండి
