నవతెలంగాణ - హన్మకొండ
తెలంగాణలో బిజెపి అధికారంలో రావాలని కలలుగన్న ఎబివిపి రాష్ట్ర మాజీ అధ్యక్షులు, బిజెపి రాష్ట్ర నాయకులు గుజ్జుల నర్సయ్య ఆశయాలను కొనసాగిస్తూ సాధించే వరకు విశ్రమించేది లేదని బిజెపి రాష్ట్ర అధ్యక్షులు, ఎంపీ బండి సంజయ్‌కుమార్‌ పేర్కొన్నారు. గుజ్జుల శిష్యుడిగా ఆయన ఆశయాల సాధన కోసం రాష్ట్రంలో బిజెపిని అధికారంలోకి తీసు కురావడమే ధ్యేయంగా పనిచేస్తానన్నారు. మావో యిస్టు ప్రభావిత ప్రాంతాల్లో ఉపాధ్యాయ వృత్తిని కొనసాగిస్తూనే సంఘ్‌ కా ర్యకలాపాలను విస్తరించేం దుకు తెగించి పనిచేశారని కొనియాడారు. తనలాంటి ఎంతోమంది కార్యకర్తలను తయారు చేయడమే కాకుండా సమాజానికి స్ఫూర్తి దాయకమైన సేవలం దించారని పేర్కొన్నారు. శుక్రవారం జరిగిన సంస్మర ణ సభకు అఖిల భారత ప్రచార ప్రముఖ్‌ సునీల్‌ అంబేకర్‌జీ, ఎబివిపి జాతీయ సహ సంఘటన కార్య దర్శి ఎన్‌.బాలక్రిష్ణాజీ, ఎబివిపి రాష్ట్ర అధ్యక్షులు పారుపల్లి శంకర్‌, వరంగల్ జిల్లా కార్యవాహ పెద్దిరెడ్డి మల్లారెడ్డి, గుజ్జుల నర్సయ్య కుమారు డు గుజ్జుల రఘురాం, ధర్మపత్ని గుజ్జుల రాజ్యలక్ష్మీ హాజర య్యారు. ఈ సందర్భం గా బీజేపీ రాష్ట్ర అధ్యక్షులు, ఎంపీ బండి సంజయ్‌కుమార్‌ మాట్లాడుతూ గుజ్జుల నర్సయ్యసార్‌ తో తనకున్న అనుబంధాన్ని, ఆయన సేవలను స్మరించుకున్నారు. దీన్‌ దయాళ్‌ ఉపాధ్యాయ, యశ్వంత్‌ రావులను చూడలేదు. నర్సయ్య సార్‌ ప్రసంగాలు ఆలోచిం పజేసేవిగా, భా వోద్వే గానికి గురయ్యేలా, సిద్ధాంతాలకు కట్టుబడి పని చేసేలా ఉండేవని అన్నారు. నర్సయ్య ఆశయం నెరవేరడానికి, ఆ లక్ష్య సాధన కోసం పనిచేయడానికే సిద్దమైన. కేంద్రంలో మాదిరిగా తెలంగాణలోనూ బీజేపీ అధికారంలోకి వచ్చేదాకా నేను విశ్రమించబోనని అన్నారు.
