- అమ్మ దీవెన చారిటబుల్‌ ట్రస్ట్‌ చైర్‌పర్సన్‌ కీర్తనరెడ్డి
నవతెలంగాణ-నెల్లికుదురు
సమతుల్య ఆహారంతోనే పిల్లల్లో ఎదుగుదల ఉంటుందని అమ్మ దీవెన చారిటబుల్‌ ట్రస్ట్‌ చైర్‌పర్సన్‌, జీవన వీణ రచయిత సంకెపెళ్లి కీర్తనరెడ్డి అన్నారు. మంగళవారం మండల కేంద్రంలోని ఆదర్శ పాఠశాలలో భోజన విరామం సమయంలో విద్యా ర్థులకు పండ్లు పంపిణీ చేశారు. అనంతరం పాఠశాల ప్రిన్సిపాల్‌ డాక్టర్‌ కె శ్రీనివాస్‌ రెడ్డితో కలిసి ఆమె మాట్లా డారు. విద్యార్థి దశలోనే పిల్లలకు లవణాలు, ఖనిజాలు, విటమిన్లు, తదితరవి ఉన్న పౌష్టికాహారం అందిం చాలని తల్లిదండ్రులకు సూచించారు. వారి చదువు పట్ల ప్రత్యేక శ్రద్ధ చూపాలన్నారు. తమ ట్రస్ట్‌ తరపున గతంలో అనేక సేవా కార్యక్రమాలు చేపట్టినట్టు తెలిపారు. రానున్న రోజుల్లో మరిన్ని సేవా కార్యక్రమాలు చేపట్టునున్నట్టు చెప్పారు. తన సొంత ఖర్చులతో కొన్ని కార్యక్రమాలు చేపడు తున్నానని తెలిపారు.
