నవతెలంగాణ-పాలకుర్తి
భారత రాజ్యాంగ నిర్మాత డాక్టర్‌ బాబాసాహెబ్‌ అంబేద్కర్‌ అందరి వాడని టీిఆర్‌ఎస్‌ మండల అధ్యక్షుడు పసునూరి నవీన్‌ అన్నారు. డాక్టర్‌ బాబాసాహెబ్‌ 66వ వర్ధంతిని పురస్కరించుకొని మంగళవారం టిఆర్‌ఎస్‌, బీఎస్పీ, బిజెపి, ఎమ్మార్పీఎస్‌ ఆధ్వర్యంలో వేరువేరుగా బాబాసాహెబ్‌ వర్ధంతి వేడుకలను నిర్వహించి, అంబేద్కర్‌ చిత్రపటానికి పూలమాలవేసి నివాళులు అర్పించారు. టీఆర్‌ఎస్‌ మండల అధ్యక్షుడు పసునూరి నవీన్‌ తో పాటు బిఎస్పి మండల అధ్యక్షుడు పడమటింటి భాస్కర్‌, బిజెపి మండల అధ్యక్షుడు కమ్మగాని శ్రీకాంత్‌, ఎంఆర్పిఎస్‌ నియోజకవర్గ ఇన్చార్జి చెరిపెల్లి యాదగిరి స్వామి పాల్గొని మాట్లాడారు. రైతుబంధు సమితి మండల కోఆర్డినేటర్‌ వీరమనేని యాకాంతారావు, జిల్లా కో ఆప్షన్‌ సభ్యులు ఎండి మదర్‌, టిఆర్‌ఎస్‌ పాలకుర్తి ఎంపీటీసీ ఎడవెల్లి పురుషోత్తం, మండల ప్రధాన కార్యదర్శి మాచర్ల ఎల్లయ్య, మంచుప్పుల సర్పంచు బొమ్మగాని కొమురయ్య, ముత్తారం మాజీ సర్పంచ్‌ భూమా రంగయ్య, పాలకుర్తి రైతుబంధు గ్రామ కో ఆర్డినేటర్‌ కత్తుల యాకయ్య ధరావత్‌ మంగ నాయక్‌ బండపల్లి వెంకన్న, బి.ఎస్‌.పి మండల ఉపాధ్యక్షులు చేరిపెల్లి కుమార్‌, మండల నాయకులు జలగం బాబు,చీటూరి యాదగిరి,ఘనపురం సోమనర్సయ్య పాల్గొన్నారు.
