- పాల్గొన్న గండ్ర దంపతులు, ఎమ్మెల్సీ మధుసూదనాచారి
నవతెలంగాణ- కోల్‌బెల్ట్‌
జయశంకర్‌ జిల్లా కేంద్రం కారల్‌ మార్క్స్‌ కాలనీలోని శ్రీచతుర్రూప అయ్యప్ప దేవాలయ ప్రాంగణంలో ఆలయ కమిటీ అధ్యక్షులు బండారి రమేష్‌ నేతృత్వంలో నిర్మించిన శ్రీలక్ష్మీ, భూలక్ష్మి సమేత వేయి నామాల వెంకటేశ్వరస్వామి దేవాలయంలో ఆది వారం పలు కార్యక్రమాలు అట్టహాసం నిర్వహించారు. ఆలయ ప్రధానార్చకులు కొదురుపాక కృష్ణమాచారి, బ్రహ్మశ్రీ అత్తలూరి బాల శంకర శాస్త్రి ఆధ్వర్యంలో కరీంనగర్ మలయాళ సద్గురు ఆశ్రమ పీఠాధిపరులు విష్ణు సేవానందగిరి స్వాములు యంత్ర స్థాపన కార్యక్రమం నిర్వహించారు. గత మూడు రోజులుగా జరుగుతున్న ప్రతిష్టాపన కార్యక్రమాలు ధ్వజస్తంభ ప్రతిష్టాపనతో ప్రధాన ఘట్టాలు ముగిశాయి. అనంతరం అర్చకులు విశేష పూజలు, స్వామి కళ్యాణం నిర్వహించారు. గత మూడు రోజులుగా మహా అన్న దాన కార్యక్రమం నిర్వహిస్తున్న ఎమ్మెల్యే గండ్ర దంపతులు ఆదివారం స్వయంగా సందర్శకులకు వడ్డించడం విశేషం. స్థానిక ఎమ్మెల్యే గండ్ర వెంకటరమణారెడ్డి, జయశంకర్‌ టీఆర్‌ఎస్‌ భూపాల పల్లి జిల్లా అధ్యక్షురాలు గండ్ర జ్యోతి, మున్సిపల్‌ చైర్‌ పర్సన్‌ సెగ్గం వెంకటరాణి, విశిష్ట అతిథులుగా మాజీ శాసనసభ స్పీకర్‌, ఎమ్మెల్సీ సిరికొండ మధుసూదనాచారి, రిటైర్డ్‌ అడిషనల్‌ ఎస్పీ కట్టంగూరి రామ్‌ నర్సింహారెడ్డి పాల్గొని ప్రత్యేక పూజలు చేశారు.
