నవతెలంగాణ- కాజీపేట
కాజీపేట ఫాతిమా నగర్‌లోని బాలవికాస ట్రైనింగ్‌ సెంటర్‌లో ప్రముఖ రచయిత డాక్టర్‌ టి సంపత్‌ కుమార్‌ రచించిన రెండు పుస్తకాల ఆవిష్కరణ కార్యక్రమం సభాధ్యక్షులు తాళ్లపల్లి మురళీధర్‌ గౌడ్‌ అధ్యక్షతన ఆదివారం నిర్వహించారు. ముఖ్య అతిథిగా ప్రముఖ కథ నవల రచయిత, కేంద్ర సాహిత్య అకాడమీ పురస్కార గ్రహీత డాక్టర్‌ అంపశయ్య నవీన్‌ హాజరై పుస్తకాలను ఆవిష్కరించారు. అనంతరం ఆయన మాట్లాడుతూ నేటి సమాజం స్వార్థంతో నిండిపోయిందని, అభివృద్ధి పేరుతో సంస్కారపు మూలాలను విస్మరిస్తున్నాయని అన్నారు. రచయిత సంపత్‌ కుమార్‌ ఢిల్లీలో కెనడా హై కమీనారేట్‌లో పనిచేసినప్పటికీ సాహిత్యం మీద మక్కువతో కదలి కలు అనే నవలను, నా నుండి మన వరకు అనే కథసంపుటి రచించడం హర్షనీయమన్నారు. ఈ కార్యక్రమంలో ప్రముఖ పూర్వ సంపాదకులు చంద్ర ప్రతాప్‌, తుమ్మూరి రామ్మోహన్రావు, బాలవికాస్‌ ఎగ్జిక్యూటివ్‌ డైరెక్టర్‌ శౌరి రెడ్డి, వల్సాపైడి, తిరుపతి తదితరులు పాల్గొన్నారు.
