నవతెలంగాణ-తొర్రూర్‌ రూరల్‌
మండలంలోని కొమ్మనపల్లి తండా గ్రామంలో జరిపిన దాడుల్లో 2500 కేజీ ల నల్లబెల్లం 210 కేజీల పట్టిక 50 లీటర్ల నాటు సారా రవాణా చేస్తున్న వ్యక్తిని నల్లబెల్లాన్ని సీజ్‌ చేసినట్లు ఎక్సైజ్‌ సీఐ శ్రీనివాస్‌ తెలిపారు. ఈ సందర్భంగా ఆయన మాట్లాడుతూ శనివారం ఉదయం ఎక్సైజ్‌ డిపార్ట్మెంట్‌ నుండి వచ్చిన ముందస్తు సమాచారం మేరకు సిబ్బందితో కొమ్మనపల్లి తండాకు చెందిన గుగు లోతు అనిల్‌ (25), డ్రైవర్‌ పాడియా వెంకన్న అలియాస్‌ దేవన్న అనే వ్యక్తులు అశోక్‌ లేలాండ్‌ వాహనం నందు ప్లాస్టిక్‌ బ్యాగ్‌లలో ఒక్కో బ్యాగులో 50 కేజీల చొప్పున మొత్తం 2500 కిలోలు రవాణా చేస్తుండగా వాహనాన్ని స్వాధీనపరుచు కున్నట్లు తెలిపారు. ఇద్దరిని అదుపులోకి తీసుకున్నట్లు తెలిపారు. ఈ దాడులలో ఎస్‌ఐలు శ్రీనివాస్‌, రవళి, మధు, సిబ్బంది తదితరులు పాల్గొన్నారు.