నవతెలంగాణ-మహాదేవపూర్‌
మండలంలోని రాపెల్లికోట, ఎన్కపల్లి, కిష్టారావుపేట గ్రామాలకు ఆర్టీసీ బస్సు సేవలను మంగళవారం ప్రారంభించారు. మండలంలోని ఆయా గ్రామాల ప్రజలకు రవాణా సౌకర్యం లేక ఇబ్బందులు ఎదురవుతుండడంతో మంథని ఎమ్మెల్యే శ్రీధర్‌బాబు సిఫారసు మేరకు జెడ్పీటీసీ గుడాల అరుణ, సీనియర్‌ కాంగ్రెస్‌ నాయకుడు వామన్‌ రావు, సీనియర్‌ పాత్రికేయుడు లచయ్య యాదవ్‌, రాపెల్లికోట సర్పంచ్‌ రాజక్క సమ్మయ్య, ఎన్కపల్లి సర్పంచ్‌ కిష్టయ్య ,గ్రామ ప్రజలు చేసిన వినతులు పరిశీలించిన జయశంకర్‌ భూపాలపల్లి ఆర్టీసీ డిపో మేనేజర్‌ ప్రతిమారెడ్డి ఆయా గ్రామ ప్రజలకు బస్సు సౌకర్యం కల్పించారు. కాగా ఎంపీపీ రాణీ బాయి, జెడ్పీటీసీ గుడాల అరుణ బస్సు సేవలు ప్రారంభించారు. బస్సు సౌకర్యాన్ని వినియోగించు కోవాలని కోరారు. సూరారం, అంబట్‌పల్లి ఎంపీటీపీలు మడక తిరుమల ప్రతాప్‌ రెడ్డి, బీసుల జయశ్రీ , ఉపసర్పంచ్‌, బట్టి శ్రీశైలం,ప్రెస్‌ క్లబ్‌ ప్రధాన కార్యదర్శి జమీల్‌, ఆర్టీసీ సీఆర్సీ చంద్రమౌళి, తదితరులు పాల్గొన్నారు.
