నవతెలంగాణ-మల్హర్‌రావు
              ఇసుక క్వారీ నిర్వాహకులు సమయ పాలన పాటించడం లేందంటూ మండలంలోని మల్లారం గ్రామంలో నిర్వహిస్తున్న ఇసుక క్వారీ వద్ద లారీలకు పరదాలు వేస్తూ, తాడు కడుతున్న మల్లారం, రావులపల్లి తాత్కాలిక కార్మికులు మంగళవారం ఆందోళన చేపట్టారు. ఈ సందర్భంగా కార్మికులు మాట్లాడారు. ఉదయం 8 గంటలకు లోడింగ్‌ ప్రారంభించి, రాత్రి 8 గంటల వరకు నిర్వహించాల్సిన నిర్వాహకులు ఉదయం 11 గంటలకు ప్రారంభించి రాత్రి 11 గంటల వరకు నిర్వహించడంతో తాము ఇబ్బందులకు గురివుతున్నట్లు వాపోయారు. ఆలస్యంగా ప్రారంభించి ఆలస్యంగా లోడింగ్‌ చేయడంతో రాత్రి వేళల్లో ప్రమాదాలు సభంవించే ప్రమాదం ఉందని చెప్పారు. నిర్వాహకులు ఇప్పటికైనా వే బిల్లులతో సంబంధం లేకుండా నిబంధనల ప్రకారం ఉదయం 8గంటలకు ప్రారబించి, రాత్రి 8గంటలకు క్లోజ్‌ చేయాలని డిమాండ్‌ చేశారు.