- 20 లీటర్ల నాటుసారా, పటిక స్వాధీనం
- ఎక్సైజ్‌ సీఐ శ్రీనివాసులు
నవతెలంగాణ తొర్రూరు
            తొర్రూరు ఎక్సైజ్‌ స్టేషన్‌ పరిధిలోని దంతాలపల్లి ఎక్స్‌ రోడ్‌ వద్ద ఆదివారం తెల్లవారుజామున జరిపిన దాడులందు బొలెరో వాహనము, నల్ల బెల్లము సీజ్‌ చేసినట్లు తొర్రూరు ఎక్సైజ్‌ సీఐ శ్రీనివాసులు తెలిపారు. దంతాలపల్లి ఎక్స్‌ రోడ్‌ వద్ద రూట్‌ వాచ్‌ చేస్తుండగా అటుగా వచ్చిన బొలెరో వాహనంను అనుమానంతో ఆపారు. అందులో 1500 కిలోల నల్లబెల్లం ఉన్నట్టు గుర్తించారు. 50 కిలోల బ్యాగులు మొత్తం 30 బ్యాగులు ఉన్నాయి. ఐదు కిలోల పట్టిక, 20 లీటర్ల నాటు సారా పట్టుబడింది. జరిగినదని, సదరు వాహనము నందలి వ్యక్తులను విచారించగా తుంగతుర్తి మండలం దేవుని గట్టు తాండకు చెందిన ఇస్లావత్‌ విజరు అనబడు వ్యక్తి చిత్తూరు జిల్లా మదనపల్లి నివాసి ఎం జానకిరామ్‌తో కలిసి అక్రమంగా తొర్రూరు, నర్సింహులపేట మండలంలో వివిధ తండాలకు సరఫరా చేయడానికి తీసుకొని వచ్చినట్టు ఒప్పుకున్నారు. వారిని అదుపులోనికి తీసుకొని బొలెరో వాహనము, 1500 కిలోల నల్ల బెల్లం, ఐదు కిలోల పట్టిక, 20 లీటర్ల నాటు సారాయి స్వాధీన పరుచుకున్నట్లు సిఐ శ్రీనివాసులు తెలిపారు. ఎక్సైజ్‌ ఎస్‌ఐ బి మధు, హెడ్‌ కానిస్టేబుల్‌ మధు, కానిస్టేబుళ్లు శ్రీనివాస్‌, కుమార్‌, గౌస్‌, శ్రావణ్‌ లు పాల్గొన్నారు.