- ఐటీడీఏ పీవో అంకిత్‌
నవతెలంగాణ- ములుగు
             విద్యార్థులకు మెరుగైన సౌకర్యాలతో నాణ్యమైన విద్య పుష్టికరమైన భోజనం అందించాలని ఎటు నాగారం ఐటీడీఏ పీఓ అంకిత్‌ ఆశ్రమ పాఠశాలల, జూనియర్‌ కళాశాల అధ్యాపకులను ఆదేశించారు. జిల్లా ములుగు మండలంలోని జగ్గన్న పెట్‌, రాయినిగూడెం ఆశ్రమ ఉన్నత పాఠశాలలు,జగ్గన్న పెట్‌ ఆశ్రమ జూనియర్‌ కళాశాల,ములుగు వికాసం పాఠశాల నిర్మాణ పనులను మంగళవారం ఆయన సందర్శించారు. జగ్గన్నపేట్‌ ఆశ్రమ ఉన్నత పాఠశాలను(బాలికలు) తనిఖీ చేశారు. జగ్గన్నపేట ఆశ్రమ పాఠశాల పాఠశాలలో మొత్తం విద్యార్థులు, ఎస్‌ఎస్సి విద్యార్థుల వివరాలు, హాజరైన ఉపాధ్యా యులపై ఆరా తీశారు. ఎస్‌ఎస్సి విద్యార్థులతో సంభాషించారు. సిలబస్‌ పూర్తి చేయడం, ప్రత్యేక తరగతుల నిర్వహణ, స్టడీ అవర్స్‌, హాజరయ్యే స్లిప్‌ టెస్ట్‌లు, ప్రత్యేక మెనూ అందించడం, స్కూల్‌ బ్యాగ్‌ల రసీదులు, స్టడీ మెటీరియల్‌, ఆహారం, అధ్యయ నానికి సంబంధించిన ఏవైనా సమస్యల గురించి అడిగి తెలుసుకున్నారు. ఆర్‌ఓ వాటర్‌ ప్లాంట్‌ పనితీరు, మిషన్‌ భగీరథ నీటి వినియోగం, మార్గదర్శకాల ప్రకారం మెనూ అమలుపై హెడ్‌ మాస్టర్‌ కమ్‌ వార్డెన్‌ను అడిగి తెలుసుకున్నారు. స్టోర్‌ రూమ్‌ని తనిఖీ చేసి, జిసిసి సరఫరాలు, బియ్యం నాణ్యత, కూరగాయలు ఎక్కడి నుంచి కొనుగోలు చేస్తున్నారనీ, స్టాక్‌ రిజిస్టర్‌ నిర్వహణ మొదలైన వాటిపై ఆరా తీశారు. ప్రధానోపాధ్యాయులు, ఉపాధ్యాయులతో సమావేశం నిర్వహించి, మార్గద ర్శకాల ప్రకారం మెనూను అమలు చేయాలని ఆదేశించారు. ఎస్‌ఎస్సి విద్యార్థులకు ప్రత్యేక తరగతులు, ఇతర తరగతి విద్యార్థులకు సాధారణ తరగతులు నిర్వహించాలన్నారు. ఖాళీగా ఉన్న కాలంలో ఆటలు నిర్వహించడం, కనీసం 5 మంది విద్యార్థులు 10 జిపిఏ గ్రేడ్‌లు పొందేలా దృష్టి పెట్టడం, ఇతర విద్యార్థులు ఎస్‌ఎస్సి పబ్లిక్‌ పరీక్షలలో 9 పైన జిపిఏ పాయింట్లను పొందే అంశాలపై దృష్టిపెట్టాలన్నారు. కళాశాలలో తాగునీటి సమస్య ఉందని, మరో బోరుబావి ఏర్పాటు చేయాలని ప్రిన్సిపల్‌ కోరగా నీటి సమస్యను పరిష్కరించాలని గిరిజన సంక్షేమ ఎగ్జిక్యూటివ్‌ ఇంజనీర్‌ ఆదేశించారు. ములుగు పట్టణంలో రూ.150 లక్షల అంచనాతో ప్రత్యేకంగా వికలాంగ పిల్లల పాఠశాల భవనాన్ని, రూ.25 లక్షల అంచనాతో కాంపౌండ్‌ వాల్‌ నిర్మాణాన్ని పరిశీలించారు. అగ్రిమెంట్‌ వ్యవధి ప్రకారం పని నాణ్యతతో నిర్మాణాన్ని వేగవంతం చేయాలని ఎగ్జిక్యూటివ్‌ ఇంజనీర్‌ను ఆదేశించారు. పని ప్రారంభించిన సంవత్సరంలో పూర్తి చేయాలన్నారు. రాయినిగూడెం ఆశ్రమ పాఠశాలలో ట్రైబల్‌ వెల్ఫేర్‌ ఇంజినీరింగ్‌ డిపార్ట్‌మెంట్‌ ద్వారా మరమ్మత్తు పనులను పరిశీలించారు. ఈకార్యక్రమంలోఐటీడీ ఈఈ ఎ హేమలత, డీఇ సంపత్‌, ఏఈఈ ప్రణీత, సంబంధిత పాఠశాల ప్రధానోపాధ్యాయులు, ప్రిన్సిపాల్‌, ఉపాధ్యాయులు పాల్గొన్నారు.