నవతెలంగాణ-పాలకుర్తి
విద్యాబుద్ధులు నేర్పిన బడికి ఏదైనా సహాయం చేయాలనే లక్ష్యంతో పూర్వ విద్యార్థులు కంకణ బద్దులయ్యారు. మండల కేంద్రంలో గల ఉన్నత పాఠశాలకు చెందిన 1993-94 పదవ తరగతి బ్యాచ్‌ పూర్వ విద్యార్థులు సుమారు లక్ష పది వేలతో పాఠశాలలో చదివే విద్యార్థిని విద్యార్థులకు స్వచ్ఛమైన త్రాగునీరు అందిం చాలని పాఠశాలలో వాటర్‌ ప్లాంట్‌ను ఏర్పాటు చేశారు. అనంతరం పూర్వ విద్యా ర్థుల సమ్మేళనాన్ని ఏర్పాటు చేసుకొని గత జ్ఞాపకాలను గుర్తు చేసుకున్నారు. ఇదే పాఠశాలలో చదువుకొని అనేకమంది ఉన్నత శిఖరాలకు ఎదిగారని ప్రతి ఒక్కరూ పాఠశాల అభివృద్ధిలో భాగస్వాములు కావాలని తెలిపారు. అనంతరం అప్పటి ఉపాధ్యాయులను ఘనంగా సన్మానించారు.