నవతెలంగాణ- పరకాల
        కరాటే వ్యక్తి అంతరాత్మ, ఆత్మ రక్షణకు దోహదపడుతుందని ఎమ్మెల్యే చల్లా ధర్మారెడ్డి అన్నారు. ఆదివారం పట్టణంలోని స్థానిక మయూరి గార్డెన్లో క్రియేటివిటీ కరాటే క్లబ్‌ ఆధ్వర్యంలో ఏర్పాటుచేసిన కరాటే టోర్నమెంట్ను ప్రారంభించి ఎమ్మెల్యే మాట్లాడారు. కరాటే నిర్వహించే క్రియేటివిటీ యాజమాన్యాన్ని అభినందించారు. 30 సంవత్సరాల నుండి ఎంతోమందికి కరాటే మెలకువలను నేర్పి వారికి మరో ధైర్యాన్ని కల్పించడం అభినందించదగ్గ విషయం అన్నారు. ఈ కరాటే టోర్నమెంట్‌ లో మొదటి బహుమతి గెలుపొందిన విద్యార్థులకు 5000 నగదు బహుమానం అందజేస్తానని అన్నారు. ఈ సందర్భంగా కరాటే నిర్వాహక యాజమాన్యం ఎమ్మెల్యే చల్లా ధర్మారెడ్డిని సత్కరించారు. స్థానిక మున్సిపల్‌ వైస్‌ చైర్మన్‌ రేగురి జైపాల్‌ రెడ్డి, మార్కెట్‌ చైర్మన్‌ బండి సారంగపాణి, బీఆర్‌ఎస్‌ నాయకులు, తదితరులు పాల్గొన్నారు..