నవతెలంగాణ-ఎల్కతుర్తి
మహద్‌ వజీర్‌ ఖాన్‌ మెమోరియల్‌ ఇంటర్ జోనల్‌ కం డిస్ట్రిక్‌ కబడ్డీ ఛాంపియన్‌ ఆర్గనైజేషన్‌, హనుమకొండ డిస్ట్రిక్‌ కబడ్డీ అసోసియేషన్‌ రాష్ట్ర ఉపాధ్యక్షులు అజిజ్‌ఖాన్‌ తల్లిదండ్రుల జ్ఞాపకా ర్థం సూరారం గ్రామంలో కబడ్డీ పోటీలు మాజీ సర్పంచ్‌ తక్కలపెల్లి సంపత్‌రావు ఆధ్వర్యంలో ఆదివారం నిర్వహించారు. పోటీలో 6 జట్లు పరకాల, భీమదేవరపల్లి, ధర్మసాగర్‌, హసన్పరి హనుమకొండ నుంచి రెండు జట్లు పాల్గొన్నాయి. ముఖ్య అతిధిగా జిల్లా పరిషత్‌ చైర్మన్‌ డాక్టర్‌ మారేపల్లి సుధీర్‌ కుమార్‌ హాజరయ్యారు. స్థానిక సర్పంచ్‌ సాంబమూర్తి గౌడ్‌, వైస్‌ ఎంపీపీ తంగెడ నగేష్‌ ఆర్థిక సహాయంతో పోటీలు నిర్వ హించారు. కార్యక్రమంలో కబడ్డీ అసోసియేషన్‌ జిల్లా అధ్యక్షులు సారంగపాణి ,మార్కెట్‌ కమిటీ డైరెక్టర్‌ తంగేడ మహేందర్‌, సర్పంచ్ల ఫోరం మండల అధ్యక్షులు బూరుగుల రామారావు, సోషల్‌ మీడియా ఎల్కతుర్తి మండలం అధ్యక్షులు గుండేటి సతీష్‌, ఉప సర్పంచ్‌ సంకీర్తన ప్రహల్లాదరావు, మాజీ సర్పంచ్‌ ఎర్రబెల్లి సంపత్‌ రావు , సమ్మయ్య, తదితరులు పాల్గొన్నారు.
