- తొర్రూరులో శంకుస్థాపన, ప్రారంభోత్సవాలు
నవతెలంగాణ-వరంగల్‌ ప్రాంతీయ ప్రతినిధి
          బిఆర్‌ఎస్‌ వర్కింగ్‌ ప్రెసిడెంట్‌, రాష్ట్ర మున్సిపల్‌, ఐటి, పరిశ్రమల శాఖ మంత్రి కేటీఆర్‌ బుధవారం వరంగల్‌ జిల్లాలోని వర్ధన్నపేట, పాలకుర్తి నియోజకవర్గాల్లో పర్యటించనున్నారు. వరంగల్‌ జిల్లా వర్ధన్నపేట నియోజకవర్గం పర్వతగిరి మండలం ఏనుగల్‌ గ్రామానికి రానున్నారు. మధ్యాహ్నాం 12.25 గంటలకు ఏనుగల్‌ గ్రామానికి మంత్రి కేటీఆర్‌ చేరుకుంటారు. మధ్యాహ్నాం 1.30 గంటలకు ఏనుగల్‌లోనే మధ్యాహ్నాం భోజనం చేయనున్నారు. మధ్యాహ్నాం 2.30 గంటలకు రోడ్డు మార్గం ద్వారా మంత్రి కేటీఆర్‌ పాలకుర్తి నియోజకవర్గం తొర్రూరు మున్సిపాల్టీకి చేరుకుంటారు. మోడల్‌ మార్కెట్‌ను మంత్రి కేటీఆర్‌ ప్రారంభిస్తారు. స్వర్గీయ మాజీ మంత్రి యతిరాజారావు పార్క్‌లోని ఓపెన్‌ జిమ్‌ను మంత్రి సందర్శిస్తారు. ఇక్కడే ఏర్పాటు చేసిన అంతర్జాతీయ మహిళా దినోత్సవంలో మంత్రి కేటీఆర్‌ పాల్గొని ప్రసంగిస్తారు. సాయంత్రం 4.30 గంటలకు బతుకమ్మ కుంటలో ఏర్పాటు చేసిన హెలిప్యాడ్‌ నుండి హెలికాప్టర్‌లో హైద్రాబాద్‌కు వెళ్లనున్నారు.