నవతెలంగాణ-మొగుళ్ళపల్లి
అంతర్జాతీయ మహిళా దినోత్సవం పురస్క రించుకొని శుక్రవారం మండల కేంద్రంలోని ఎమ్మార్సీ కార్యాలయంలో ఎస్‌జిటియు(సెకండరీ గ్రేడ్‌ ఉపాధ్యాయ సంఘం) మండల శాఖ ఆధ్వ ర్యంలో మండల అధ్యక్షుడు శాగంటి శ్రీనివాస్‌ అధ్యక్షతన మహిళా ఉద్యోగులను ఘనంగా సన్మానించారు. ముఖ్యఅతిథిగా మండల విద్యాధి కారి వేల్పుల ప్రభాకర్‌ హాజరై మాట్లాడారు. స్త్రీలు ఏ ప్రాంతంలోగౌరవించబడతారో ఆ ప్రాంతంలో దేవతలు నడయాడతారన్నారు. సమ సమాజ స్థాపనలో మహిళల పాత్ర అనిర్వచనీయమైనదని పేర్కొన్నారు. అనంతరం మహిళా ఉద్యోగులైన మండల వైద్యాధికారి పోరండ్ల నాగరాణి, బి. వినోద ఎస్జిటి, ఎంపీపీఎస్‌ ఎల్లారెడ్డి పల్లె, బి. పద్మ ఎస్జిటి, ఎంపీపీఎస్‌ మొట్లపల్లి, డి. స్వర్ణలత ఎస్జిటి ఎంపీపీఎస్‌ ముల్కలపల్లి, సిహెచ్‌ అర్చన ఎస్జిటి ఎంపీపీఎస్‌ ఇప్పలపల్లి, ఎంపీపీఎస్‌ ఇసిపేట వారిని శాలువా కప్పి, మేమెంటో అందించి సన్మానించారు. ఈ కార్యక్రమంలో కాంప్లెక్స్‌ ప్రధానోపాధ్యాయులు సామల రమేష్‌, వైద్య నరసింహ స్వామి, ఎస్‌ జి టి యు జిల్లా ప్రధాన కార్యదర్శి బత్తుల సదానందం,జిల్లా ఉపాధ్యక్షుడు గుగ్గిళ్ళ విజేందర్‌, ఉపాధ్యాయులు రాజు, రవీందర్‌, సురేందర్‌, తదితరులు పాల్గొన్నారు.
