నవతెలంగాణ-చిట్యాల
        ఆస్కార్‌ అవార్డు అందుకున్న సినీ గేయ రచయిత కనుకుంట్ల చంద్రబోస్‌ స్వగ్రామం మండలంలోని చల్లగరిగే గ్రామం కావడంతో గ్రామంలో ఎంపీపీ ఆధ్వర్యంలో సంబరాలు జరుపుకున్నారు. ఈ సందర్భంగా ఎంపీపీ మాట్లాడుతూ ప్రపంచం గర్వించదగ్గ తెలుగోడుగా దేశవ్యాప్తంగా పేరు ప్రఖ్యాతలు పొందిన తమ గ్రామానికి చెందిన చంద్ర బోస్కు ప్రత్యేక అభినందనలు తెలిపారు. జాతీయస్థాయిలో దేశం గర్వపడే అవార్డుకు ఎంపిక కావడం పట్ల హర్షం వ్యక్తం చేశారు. చల్లగరిగ గ్రామానికి చెందిన చంద్రబోస్‌ వర్ధమాన సినీ గేయ రచయితగా ఎన్నో అవార్డులు అందుకొని , సుమారు 3000 సినీ పాటలను రచించి అత్యున్నత స్థానంలో నిలిచారని అన్నారు. నేడు ఆస్కార్‌ అవార్డు నందు కోవడం ఆనందంగా ఉందని ఎంపీపీ అన్నారు. గ్రామ ఖ్యాతితోపాటు , మండల, జిల్లా, రాష్ట్ర, దేశ ఖ్యాతి ప్రపంచానికి చాటారని అభినందించారు. కార్యక్రమంలో గ్రామ ప్రజలు తదితరులు పాల్గొన్నారు.