- విమలక్కకు, రాంబాబుకు, నాగన్నకు, నాగరాజుకు జెమిలి పురస్కారాలు
నవతెలంగాణ-బయ్యారం
            జెమిలి ప్రజా సాంస్కృతిక వేధిక ఆధ్వర్యంలో ఏప్రిల్‌ 9వ తేదీన మండల కేంద్రంలోని గాంధీ సెంటర్‌లో 9వ సాంస్కృతిక కళా మహొత్సవాలు ఆటా పాటా లతో కూడిన ధాం ధాం.. కరపత్రాన్ని జమిలి రాష్ట్ర కమిటీ కన్వీనర్‌ లింగాల వెంక న్న, కో -కన్వీనర్‌ బొడ్డు కుమార స్వామి ఆధ్వర్యంలో బుధవారం స్థానిక అంబేద్క ర్‌ విగ్రహాం ఎదుట ఆవిష్కరణ చేశారు. ఈ సందర్భంగా వారు మాట్లాడుతూ ఈ ఉత్సవం సందర్భంగా తమ తమ రంగాలలో విశిష్ట సేవలు అందించిన విశిష్టమై న వ్యక్తులైన విమలక్కకు, పాటమ్మ రాంబాబుకు, అంబటి నాగన్నకు, వెంగల్‌ నాగ రాజుకు పౌర పురస్కారాలు అందించి ఘనంగా సన్మానించడం జరుగుతుందని, ఈ మహా ధూం... ధాం... కార్యక్రమం మధ్యాహ్నం 12 గంటల నుండి రాత్రి 12 గంటల వరకు నాన్‌ స్టాప్‌గా నిర్వహించబడుతుందని,ఈ కార్యక్రమానికి రాష్ట్ర నలుమూలల నుంచి విచ్చేయుచున్న 100 మంది కళాకారులచే వివిధ రకాల సాంస్కృతిక కళా మహా ప్రదర్శనలు నిర్వహించబడతాయని తెలిపారు. ఈ కార్య క్రమంలో సర్పంచ్‌ బోడ రమేష్‌, లైవ్‌ ఐక్యవేదిక మండల ప్రెసిడెంట్‌ జర్పుల శ్రీను, బిసి సంఘ నాయకులు గౌని భాస్కర్‌, చల్లా గోవర్ధన్‌, గాయకుడు, కొమిరె వెంకన్న, వన్నం రామారావు, తుడుం రాజేష్‌, రాజు తదితరులు పాల్గొన్నారు.