నవతెలంగాణ-ఐనవోలు
నందనం రైతు సేవా సహకార సంఘం ఆధ్వర్యంలో ఐనవోలు మండ ల కేంద్రంలో ఏర్పాటు చేసిన సూపర్‌ మార్కెట్‌ ను రాష్ట్ర పంచాయతీ రాజ్‌ శాఖ మంత్రి ఎర్రబెల్లి దయాకర్‌ రావు,బీఆర్‌ఎస్‌ పార్టీ వరంగల్ జిల్లా అధ్యక్షులు, వర్దన్నపేట ఎమ్మెల్యే అరూరి రమేష్‌ ప్రారంభించారు. అదే విధంగా ఐనవోలు మండల కేంద్రంలో 1వేయి మెట్రిక్‌ టన్నుల గోదాంను మంత్రి తో కలిసి ప్రారంభించారు. అనంతరం డీసీసీబీ చైర్మన్‌ మార్నెని రవీందర్‌ రావు అధ్యక్షతన ఏర్పాటు చేసిన సమావేశంలో మంత్రి తో కలిసి పాల్గొన్నారు. ఈ కార్యక్రమంలో కేడీసీసీ బ్యాంక్‌ చైర్మన్‌ కొండూరు రవీందర్‌ రావు,ఖమ్మం జిల్లా డిసిబి చైర్మన్‌ నాగ భూషణం,జిల్లా రైతు బందు అధ్యక్షురాలు లలితా యాదవ్‌, జడ్పీవైస్‌ చైర్మన్‌ గజ్జల శ్రీరాములు, నందనం సొసైటీ వైస్‌ చైర్మన్‌ తక్కలపల్లి చందర్రావు, మండల పార్టీ అధ్యక్షులు శంకర్‌ రెడ్డి, ప్రజా ప్రతినిధులు, నాయకులు, బ్యాంక్‌ అధికారులు, నందనం సొసైటీ డైరెక్టర్లు, కార్యకర్తలు తదితరులు పాల్గొన్నారు.
