నవతెలంగాణ-హనుమకొండ
సర్దార్‌ సర్వాయి పాపన్న గౌడ్‌ చరిత్రను పాఠ్యాం శంగా చేర్చాలని తెలంగాణ కల్లు గీతా కార్మిక సంఘం రాష్ట్ర గౌరవ అధ్యక్షుడు కళ్లెపు వెంకటయ్య కోరారు. ఆదివారం కల్లు గీతా కార్మిక సంఘం ఆధ్వర్యంలో సర్దార్‌ సర్వాయి పాపన్న గౌడ్‌ 313 వర్ధంతిని ఘనంగా నిర్వహించారు. కల్లుగీత కార్మిక సంఘం రాష్ట్ర గౌరవ అధ్యక్షుడు కళ్లెపు వెంకటయ్య, హనుమకొండ జిల్లా గోపా అధ్యక్షుడు చిర్ర రాజు గౌడ్‌ హాజరై పాపన్న చిత్రపటానికి పూలమాల వేసి నివాళులర్పించారు. ఈ సందర్భంగా వారు మాట్లాడుతూ బడుగు బలహీన వర్గాలను కలుపుకొని 300 ఏళ్ల క్రితమే రాజ్యాధికార స్థాపన చేసిన పాపన్న విగ్రహాలను జిల్లా, మండల, గ్రామాల ముఖ్య కూడల్లలో ప్రతిష్టించాలని కోరారు. తెలంగాణ కల్లుగీత కార్మిక సంఘం జిల్లా అధ్యక్షుడు గౌని సాంబయ్య గౌడ్‌, కార్యదర్శి వీరస్వామి, జిల్లా సోషల్‌ మీడియా ఇంచార్జ్‌ బుర్ర శ్రీనివాస్‌ గౌడ్‌, రాష్ట్ర కార్యవర్గ సభ్యుడు వల్లాల గంగాధర్‌, గోపా జిల్లా కార్యవర్గ సభ్యులు ఏరుకొండ రమేష్‌, కంకటి సాగర్‌ పాల్గొన్నారు.
