నవ తెలంగాణ-దౌల్తాబాద్‌
మండల కేంద్రమైన దౌల్తాబాద్‌లో తెలంగాణ మోడల్‌ స్కూల్‌ జూనియర్‌ కళాశాల వెళ్లే రోడ్డు చినుకు పడితే చిత్తడిగా మారుతుంది. చిన్న చిన్న చినుకులకే రోడ్డు బురద మాయమై విద్యార్థిని, విద్యార్థులకు రాకపోకలకు ఇబ్బందులు ఏర్పడుతున్నాయి. ముత్యంపేట అనాజీపూర్‌ తదితర గ్రామాల నుంచి వచ్చిపోయే ఆర్టీసీ బస్సులు లోనికి రావడానికి అవస్థలు పడుతున్నారు. గుంతలు బురద మరణం వల్ల ద్విచక్ర వాహనం పై వచ్చే విద్యార్థిని విద్యార్థులు ఆ గుంతల్లో పడిపోతున్నారు. సంబంధిత గ్రామపంచాయతీ పాలకవర్గానికి ప్రజా ప్రతినిధులకు అనేకసార్లు చెప్పామని విద్యార్థుల తల్లిదండ్రులు ఆవేదన వ్యక్తం చేశారు ఇప్పటికైనా అధికారులు స్పందించి గుంతల్లో మట్టి పోస్తే విద్యార్థులు పాఠశాలకు వెళ్లి వస్తారని తల్లిదండ్రులు విజ్ఞప్తి చేశారు.