- అరుణోదయ సాంస్కృతిక సమాఖ్య అధ్యక్షురాలు విమలక్క, టీపీసీసీ సభ్యులు దరిపల్లి చంద్రం, సోమేశ్వర్‌ రెడ్డి
నవతెలంగాణ-సిద్దిపేట
జిల్లాలోని మహిళలు బతుకమ్మ పండుగను ఆనందో త్సవాలతో జరుపుకోవాలని.. పండుగ ప్రజల మధ్య ఐక్యతను తెస్తుందని అరుణోదయ సాంస్కృతిక సమాఖ్య అధ్యక్షురాలు విమలక్క, టీపీసీసీ సభ్యులు దరిపల్లి చంద్రం, సోమేశ్వర్‌ రెడ్డిలు అన్నారు. స్థానిక ఏరియా ఆసుపత్రిలో పారిశుధ్య కార్మికులకు బతుకమ్మ, దసరా పండుగ సంద ర్భంగా చీరలను టీపీసీసీ సభ్యులు దరిపల్లి చంద్రం సహకా రంతో విమలక్క, సోమేశ్వర్‌ రెడ్డిలు శుక్రవారం పంపిణీ చేశారు. ఈ సందర్భంగా దరిపల్లి చంద్రం మాట్లా డుతూ.. వైద్యం నిమిత్తం దవాఖానాకు వచ్చిన ప్రజలం దరూ ఆరోగ్యంగా ఉండాలని, వారి కోసం అహర్నిశలు పారిశుధ్య కార్మికులు పనిచేస్తున్నారన్నారు. తమ జీవితాల ను పణంగా పెట్టి కరోనాకాలంలో కూడా ఎంతోమంది ప్రాణా లను కాపాడారని.. అటువంటి పారిశుధ్య కార్మి కులను బతుకమ్మ దసరా, పండుగ సందర్భంగా గౌరవించుకో వడం మన బాధ్యత అన్నారు. కరోనా కాలంలో కూడా నిత్యావసర సరుకులు అందించి, లాక్‌డౌన్‌లో వారికి వారి కుటుంబానికి అండగా నిలిచామని.. భవిష్యత్తులో కూడా అండగా ఉంటామన్నారు. నాయకులు తప్పేట శంకర్‌, బర్మా రామచంద్రము, రాములు, మిట్టపల్లి గణేష్‌ , బిక్షపతి, రంగు అశోక్‌, నాయకులు, కార్యకర్తలు పాల్గొన్నారు.
