నవతెలంగాణ-మిరుదొడ్డి
రైతు సంక్షేమానికి రాష్ట్ర ప్రభుత్వం ఎల్లవేళలా కృషి చేస్తున్నదని మెదక్ ఎంపీ కొత్త ప్రభాకర్‌ రెడ్డి అన్నారు. మిరు దొడ్డి మండలంలో శుక్రవారం ఆయన సుడిగాలి పర్యటన చేశారు. అల్మాజీపూర్‌, వీరారెడ్డిపల్లి గ్రామాలలో నూతనంగా నిర్మించిన రైతు వేదిక భవనలను పరిశీలించారు. అక్టోబర్‌ ఏడో తేదీన మంత్రి హరీశ్‌రావు పర్యటన నియోజకవర్గంలో ఉంటుందన్నారు. ఏవైనా అసంపూర్తిగా రైతు వేదికలో పనులు ఉంటే అధికారులు త్వరితగతిన పూర్తి చేయాలని సూచించారు. రైతు సంక్షేమ లక్ష్యంగా ముఖ్యమంత్రి కేసీఆర్‌ సంక్షేమ పథకాలు ప్రవేశపెడుతున్నారన్నారు. రైతుబంధు, రైతు బీమా పథకాలు ఎంతగానో అన్నదాతలకు మేలు చేకూరున్నాయన్నారు. అనంతరం జంగాపల్లి గ్రామంలో ఇటీవల మృతి చెందిన బాధిత కుటుంబాలను పరామ ర్శించారు. అధైర్యపడొద్దని తామంతా అండగా ఉన్నామని ధైర్యం చ్పెఆ్పరు. ఎవరికైనా ఇబ్బందులు తలెత్తే తన దృష్టికి తీసుకువస్తే సమస్య పరిష్కారానికి కృషి చేస్తానని హామీ ఇచ్చారు. ఎంపీపీ గజ్జల సాయిలు, ఆత్మ కమిటీ చైర్మన్‌ భాస్కరాచారి, మార్కెట్‌ కమిటీ చైర్మెన్‌ సత్యనారాయణ కో-ఆప్షన్‌ సభ్యులు అహ్మద్‌, సర్పంచ్‌ యాదగిరి, ఎంపీ టీసీల ఫోరం అధ్యక్షుడు బాల మల్లేశం, భూపతి గౌడ్‌ ,వివి ధ గ్రామాల టీఆర్‌ఎస్‌ నాయకులు పలువురు పాల్గొన్నారు.
