నవతెలంగాణ-చేర్యాల : పోలీస్‌ అమరవీరుల దినోత్సవాన్ని పురస్కరించుకొని శుక్రవారం చేర్యాల మండల కేంద్రంలోని పోలీస్‌ అమరవీరుల స్తూపానికి చేర్యాల మున్సిపల్‌ చైర్‌ పర్సన్‌ అంకుగారి స్వరూప రాణి, సీఐ మంచినీళ్ళ శ్రీనివాస్‌, ఎస్‌ ఐ భాస్కర్‌ రెడ్డి పూలమాలవేసి ఘనంగా నివాళులర్పించారు. అనంతరం స్థానిక పోలీస్‌ స్టేషన్‌ నుంచి పోలీస్‌ అమరవీరుల స్తూపం వరకు కొవ్వొత్తులతో ర్యాలీ నిర్వహించారు. ఈ సందర్భంగా పలువురు మాట్లాడుతూ పోలీస్‌ అమరవీరుల ఆశయ సాధన కోసం ప్రతి ఒక్కరూ కృషి చేయాలన్నారు. ఈ కార్యక్రమంలో మున్సిపల్‌ వైస్‌ చైర్మన్‌ నిమ్మ రాజీవ్‌ కుమార్‌ రెడ్డి,ఏఎస్‌ఐ నవీన్‌ కుమార్‌, కౌన్సిలర్లు మంగోలు చంటి, చెవిటి లింగం, ఆడెపు నరేందర్‌, యాట కనకమ్మ, పచ్చిమడ్ల సతీష్‌ గౌడ్‌, కొమురవెల్లి దేవస్థానం కమిటీ డైరెక్టర్‌ కందుకూరి సిద్ధి లింగం గుప్తా, రైతు సమన్వయ సమితి జిల్లా నాయకుడు అంకుగారి శ్రీధర్‌ రెడ్డి, పోలీస్‌ సిబ్బంది, యువకులు పాల్గొన్నారు.
