- కాంగ్రెస్‌ పార్టీ సిద్దిపేట పట్టణ అధ్యక్షుడు అత్తు ఇమామ్‌
నవతెలంగాణ-సిద్దిపేట
మునుగోడు ఉప ఎన్నికల్లో కాంగ్రెస్‌ పార్టీ విజయం తధ్యమని, ఎన్నికల్లో కాంగ్రెస్‌ జెండా ఎగరవేస్తామని కాంగ్రెస్‌ పార్టీ సిద్దిపేట పట్టణ అధ్యక్షుడు అత్తు ఇమామ్‌ అన్నారు. శనివారం మునుగోడు ఉప ఎన్నికల్లో భాగంగా చౌటుప్పల్‌ మున్సిపల్‌ నాల్గవ వార్డు ఇన్‌చార్జి, కాంగ్రెస్‌ పార్టీ సిద్దిపేట పట్టణ అధ్యక్షుడు అత్తు ఇమామ్‌ ఇంటింటా ప్రచారం నిర్వహించారు. ఈ సందర్భంగా ఆయన మాట్లాడుతూ కేంద్ర, రాష్ట్ర ప్రభుత్వాల తీరుపై ప్రజలు తీవ్ర వ్యతిరేకత కనబరు స్తున్నారని తెలిపారు. కాంగ్రెస్‌ పార్టీ ఆధ్వర్యంలోని మును గోడు అభివృద్ధి చెందుతుందని ప్రజలు ప్రగాఢ విశ్వాసం వ్యక్తం చేస్తున్నారని చెప్పారు. వచ్చే ఎన్నికల్లో దేశవ్యాప్తంగా బీజేపీ, టీఆర్‌ఎస్‌ పార్టీలకు ప్రజలు సరైన బుద్ధి చెప్పడం ఖాయమన్నారు. రాహుల్‌ గాంధీ చేస్తున్న భారత్‌ జోడో యాత్రకు ప్రజల నుంచి విశేష స్పందన వస్తుందన్నారు. రాహుల్‌ గాంధీ ఆధ్వర్యంలో కేంద్రంలో, రేవంత్‌ రెడ్డి ఆధ్వర్యంలో రాష్ట్రంలో కాంగ్రెస్‌ ప్రభుత్వం ఏర్పాటు ఖాయ మని ధీమా వ్యక్తం చేశారు. మునుగోడు ఎన్నికల్లో బీజేపీ, టీఆర్‌ఎస్‌ విచ్చలవిడిగా డబ్బులు ఖర్చు చేస్తుందన్నారు. దీనిపై ఎన్నికల సంఘం కూడా పట్టించుకోవడం లేదని ఆరోపించారు. ఈ కార్యక్రమంలో నాయకులు అశోక్‌, మహేష్‌, రాజేష్‌, నర్సారెడ్డి , ఫాయాజ్‌, పాల్గొన్నారు.
