నవతెలంగాణ-నర్సాపూర్‌
శివంపేట మండల పరిధిలోని పిల్లుట్ల గ్రామానికి చెందిన ప్రముఖ సంఘ సేవకులు బండారి గంగాధర్‌ సేవ రత్న అవార్డుకు ఎంపికయ్యారు. ఈ సందర్భంగా ఆదివారం హైదరాబాదులోని బహుజన సాహిత్య అకాడమీ కార్యాలయంలో అవార్డు ఆహ్వాన పత్రాన్ని అందుకున్నారు. నవంబర్‌ 13న ఢిల్లీలో ఈ అవార్డును బండారి గంగాధర్‌ అందుకోనున్నారు. ఈ సందర్భంగా ఆయన మాట్లాడుతూ తాను చేపడుతున్న సామాజిక సేవలను గుర్తించి జాతీయ సాహిత్య అకాడమీ ఆధ్వర్యంలో సేవారత్న అవార్డుకు ఎంపిక చేయడం పట్ల తనకెంతో సంతోషంగా ఉందన్నారు. ఈ అవార్డుతో మరింత బాధ్యత పెరిగిందని, మునుముందు మరెన్నో సేవా కార్యక్రమాలు చేపడతానని గంగాధర్‌ తెలిపారు.
మీ స్నేహితులకు రికమెండ్ చెయ్యండి
