- బొలెరో, ఆటో ఢ.. ఇద్దరు యువకులు మృతి
నవతెలంగాణ-పుల్కల్‌
పొట్ట కూటి కోసం ఆటోలో పూలు తీసుకువస్తున్న ఇద్దరు వ్యక్తులను బొలెరో వాహనం ఢకొీట్టడంతో అక్కడి కక్కడే మృతి చెందారు. ఈ విషాదకర ఘటన సంగారెడ్డి జిల్లాలోని పుల్కల్‌ ఉమ్మడి మండల పరిధిలో గల తాడుద ాన్‌పల్లి చౌరస్తా వద్ద బుధవారం ఉదయం జరిగింది. పుల్కల్‌ ఎస్సై గణేష్‌ తెలిపిన వివరాల ప్రకారం.. జోగిపేట పట్టణానికి చెందిన మహమ్మద్‌ ఇర్ఫాన్‌ (20), మహమ్మద్‌ ఫిరోజ్‌ (28)లు పూల వ్యాపారం చేస్తూ ఉపాధి పొందు తున్నారు. అయితే పూలు తెచ్చేందుకు ఎప్పటిలాగానే ఆటోలో జోగిపేట నుంచి హైదరాబాద్‌కు వెళ్లారు. పూలు తీసు కుని తిరిగి జోగిపేటకు వస్తుండగా.. చౌటకూర్‌ మండలం తాడుదాన్‌పల్లి చౌరస్తా వద్ద జోగిపేట నుండి సంగారెడ్డి వైపు వెళ్తున్న బొలోరా వాహనం వారి ఆటోను ఒక్కసారిగా ఢకొీట్టింది. దీంతో ఇర్ఫాన్‌, ఫిరోజ్‌లు అక్కడిక్కడే మృతి చెందారు. కుటుంబానికి పెద్ద దిక్కుగా ఉన్న యువ కులు మృతి చెందడంతో.. వారి కుటుంబ సభ్యులు బోరున విలపించారు. మృతదేహాలను పోస్టుమార్టం నిమిత్తం జోగిపేట ప్రభుత్వాస్పత్రికి తరలించారు. మృతుల కటుంబ సభ్యుల ఫిర్యాదు మేరకు కేసు నమోదు చేసి.. ప్రమాదానికి కారణమైన బొలెరోను స్వాధీనం చేసుకుని దర్యాఫ్తు చేస్తున్నట్టు ఎస్సై తెలిపారు.
కాగా ఈ ప్రమాద విషయాన్ని తెల్సుకుని మృతుల కుటుంబ సభ్యులను స్థానిక ఎమ్మెల్యే చంటి క్రాంతి కిరణ్‌ పరామర్శించారు. పిన్న వయస్సులోనే ఇలా ప్రమాదంలో మృతి చెందడం బాధాకరమన్నారు. ధైర్యంగా ఉండాలని వారికి భరోసా కల్పించారు.
