నవతెలంగాణ-న్యాల్‌కల్‌
సంగారెడ్డిలో నిర్వహించిన రాహుల్‌గాంధీ జోడో యాత్రకు మండల కాంగ్రెస్‌ నాయకులు, కార్యకర్తలు, అభిమానులు తరలివెళ్లారు. మండలంలోని న్యాల్‌కల్‌, బసంతపూర్‌, మెటల్‌ కుంట, రేజింతల్‌, మిర్జాపూర్‌ (ఏన్‌), మిర్జాపూర్‌ (బి), గుంజేటి, హద్నూర్‌, ఉమ్నాపూర్‌, గంగ్వార్‌, ముంగి, చాల్కి తదితర గ్రామాల నుంచి కాంగ్రెస్‌ నాయకులు , కార్యకర్తలు , ప్రజలు పెద్ద సంఖ్యలో సంగారెడ్డికి తరలి వెళ్లారు ఈ పాదయాత్రతోనే కాంగ్రెస్‌ నాయకుల్లో జోష్ నింపుతుందన్నారు. దేశ ప్రజలను ఏకం చేసేందుకే ఈ భారత్‌ జోడో యాత్ర నిర్వహిస్తున్నట్లు తెలిపారు. రానున్నది కాంగ్రెస్‌ ప్రభుత్వమేనని పార్టీ అధ్యక్షులు బి. శ్రీనివాస్‌ రెడ్డి, డీసీసీ ప్రధాన కార్యదర్శి కొత్తపల్లి భాస్కర్‌ రెడ్డిలు తెలిపారు. కాంగ్రెస్‌ పార్టీ పటిష్టంగా ఉందన్నారు. మండలం నుంచి పెద్ద సంఖ్యలో ప్రత్యేక వాహనాలతో జై కాంగ్రెస్‌, జైజై కాంగ్రెస్‌ పార్టీ టీ షర్టులతో, నినాదాలతో తరలి వెళ్లారు. భారత్‌ జోడో యాత్రకు తరలివెళ్లిన వారిలో మండల కాంగ్రెస్‌ నాయకులు సిద్ధి లింగయ్య స్వామి, ముంగి శ్రీనివాస్‌ రెడ్డి, మెటల్‌ కుంట జి.తిరుపతి రెడ్డి, మిర్జాపూర్‌ (బి) జగన్నాథ్‌ రెడ్డి, విలాస్‌ రెడ్డి, రేజింతల్‌ శ్రీనివాస్‌ రెడ్డి, సిరాజోద్దీన్‌, గుణవంత్‌, విఠల్‌, రాజేష్‌, కుమార్‌, సమి, మెటల్‌ కుంట యువ నాయకులు బసవరాజ్‌, శ్రీకాంత్‌ రెడ్డి, చిన్న, సామెల్‌, శేఖర్‌, అన్ని గ్రామాల నాయకులు, కార్యకర్తలు ఉన్నారు.
