నవతెలంగాణ-నంగునూరు
ప్రపంచ మత్స్యకారుల దినోత్సవ ఆవిర్భావం సందర్భంగా ఈ నెల 21న పల్లెపల్లెనా ముదిరాజ్‌ జెండాను ఎగురవేయాలని తెలంగాణ ముదిరాజ్‌ మహాసభ రాష్ట్ర కార్యదర్శి తుపాకుల బాలరంగం పేర్కొన్నారు. గురువారం నంగునూరు మండల కేంద్రంలోని ముదిరాజ్‌ భవనంలో జెండా పండుగ సన్నాహక సమావేశం నిర్వహించారు. సంఘం అధ్యక్షులు సొప్పరి సాయిలు అధ్యక్షతన జరిగిన సమావేశంలో ఆయన మాట్లాడుతూ తెలంగాణ ముదిరాజ్‌ మహాసభ ఆవిర్భావం పురస్కరించుకుని గ్రామము నుంచి రాష్ట్ర స్థాయి వరకు ప్రతిపల్లెనా ముదిరాజ్‌ జెండా పండుగను నిర్వహించాలని సూచించారు. ఈ కార్యక్రమంలో ముదిరాజ్‌ మహాసభ జిల్లా అద్యక్షులు బైరి శంకర్‌ ముదిరాజ్‌, యువత రాష్ట్ర కార్యదర్శి ధర్మ ముదిరాజ్‌, సీనియర్‌ నాయకులు పడిగె నారాయణ ముదిరాజ్‌, కొత్త ఎల్లం ముదిరాజ్‌, నల్ల శ్రీకాంత్‌, గట్టు శ్రీనివాస్‌ ముదిరాజ్‌,గౌరబోయిన స్వామి, పిల్లి నారాయణ,అప్పీస వెంకటయ్య, పోతిరెడ్డి సంపత్‌,సొప్పరి రమేష్‌, ముదిరాజ్‌, మత్స్య సహకార సంఘ సభ్యులు తదితరులు పాల్గొన్నారు.
