నవతెలంగాణ-రామాయంపేట
            రామాయంపేట పట్టణంలో జరుగుతున్న అభివృద్ధి పనులు త్వరగా పూర్తిచేయాలని మున్సిపల్‌ కమిషనర్‌ యాదగిరి కాంట్రాక్టర్లకు సూచించారు. గురువారం మున్సిపాలిటీ పరిధిలోని ఒకటవ, రెండవ, మూడవ, ఐదవ, తొమ్మిదవ వార్డుల్లో జరుగుతున్న సిసి రోడ్లు, డ్రైనేజీ పనులను ఆయన పరిశీలించారు. మండల పరిషత్‌ ఆవరణ నిర్మాణం జరుగుతున్న వెజ్‌ నాన్‌ వెజ్‌ మార్కెట్‌ నిర్మాణ పను లను సందర్శించారు. పనుల్లో నాణ్యత పాటించాలని కాంట్రాక్టర్లకు ఆదేశించారు. పనులు త్వరగా పూర్తి అయ్యేలా చూడాలని మున్సిపల్‌ ఏఈ సాయిరాం రెడ్డికి సూచించారు. మున్సిపల్‌ కౌన్సిలర్‌ చంద్రపు శోభ కొండ రెడ్డి, మున్సిపల్‌ సిబ్బంది పాల్గొన్నారు.