కొల్లాపూర్‌ : కొల్లాపూర్‌ మండలం రామాపురం గ్రామ శివారులో శుక్రవారం రోడ్డు ప్రమాదం జరిగింది.ఇందులో చిన్నంబావి మండలం పెద్దమారు గ్రామానికి చెందిన కుమ్మరి భాస్కర్‌ కొడుకు శశి కుమార్‌ గాయ పడ్డారు.హైదరాబాద్‌ నిమ్స్‌ ఆస్పత్రిలో చికిత్స పొందుతున్నారు.ఈ విషయం తెలుసుకున్న ఎమ్మెల్యే బీరం హర్షవర్ధన్‌ రెడ్డి శనివారం నిమ్స్‌ ఆస్పత్రికి వెళ్లి తండ్రి కొడుకులను పరామర్శించారు.ఈ సందర్బంగా ఆయన మాట్లాడుతూ మెరుగైన వైద్యం అందించాలని డాక్టర్లకు కోరారు. వైద్య పరంగా అన్ని సహాయ సహకారాలు అందిస్తానని ముఖ్య మంత్రి సహాయ నిధి కింద ఎల్వొసీని మంజూరు చేస్తానని వారి కుటుంబ సభ్యులకు భరోసా ఇచ్చారు. కార్యక్రమంలో ప్రజాప్రతినిధులు,టీఆర్‌ఎస్‌ నాయకులు ఉన్నారు.