నవతెలంగాణ-గట్టు
మండలం కేంద్రంలోని ప్రభుత్వజూనియర్‌ కళాశాల విద్యార్థులకు ఆర్టీసీ అధికారులు బస్సు సౌకర్యం కల్పించారు. బస్సు సౌకర్యం లేక విద్యార్థులు ఇబ్బందులు పడుతున్నారని పది రోజుల క్రితం కళాశాల ప్రిన్సిపాల్‌, ఎంపీపీ విజయకుమార్‌ గద్వాల డిపో మేనేజర్‌కు విన్నర్‌ పత్రం అందజేశారు. స్పందించిన మేనేజర్‌ బస్సు సౌకర్యం కల్పించిగా గురువారం ఎంపీపీ బస్సును ప్రారంభించారు. ఈ సందర్భంగా ప్రిన్సిపాల్‌ పి.శశిధర్‌ రెడ్డి, ఎంపీపీ మాట్లా డుతూ మారు మూలప్రాంత విద్యార్థులు బస్సు సౌకర్యాన్ని సద్వినియోగం చేసుకోవాలన్నారు. బస్సు సౌకర్యం కల్పించినందుకు విద్యార్థుల తల్లి దండ్రులు హర్షం వ్యక్తం చేశారు. ఈ సందర్భంగా కళాశాల అధ్యాపకులు, సిబ్బంది, విద్యార్థులు ఎమ్మెల్యేకృష్ణమోహన్‌రెడ్డి, డిపో మేనేజర్‌, ఎంపీపీ విజయకుమార్‌కు కృతజ్ఞతలు తెలిపారు.