నవతెలంగాణ - తిమ్మాజీపేట
పారిశుధ్య చర్యలు చేపట్టడం వల్ల అంటురోగాలు దరి చేరవని తిమ్మాజీ పేట, పోతిరెడ్డిపల్లి గ్రామాల సర్పంచులు వేణుగోపాల్‌ గౌడ్‌, బాలరాజులు అన్నారు. శుక్రవారం డ్రై డే సందర్భంగా మండలంలోని తిమ్మాజిపేట, పోతిరెడ్డిపల్లి గ్రామాల్లో పారిశుధ్య పనులు చేపట్టారు. తమ పరిసరాలలో నీరు నిల్వ ఉండకుండా చూసుకోవాలని, బహిర్గత మలమూత్ర విసర్జనలు చేయరాదన్నారు. గ్రామాల్లో పాత టైర్లు, వాడిన కొబ్బరి బొండాలు ఉండకు ండా చూసుకోవాలని సూచించారు. కార్యక్రమంలో ఆయా గ్రామాల కార్య దర్శులు, ఆశాలు పాల్గొన్నారు.
మీ స్నేహితులకు రికమెండ్ చెయ్యండి
