కొత్తకోట : పట్టణంలో అక్రమంగా విక్రయిస్తున్న గంజాయిని ఎక్సైజ్‌ పోలీసులు పట్టుకున్నారు. స్థానిక ఎక్సైజ్‌ స్టేషన్‌ ఆవరణలో శుక్రవారం ఏర్పాటు చేసిన విలేకర్ల సమావేశంలో ఎక్సైజ్‌ సీఐ ఓంకార్‌ వివరాలు వెల్లడించారు. పట్టణానికి చెందిన మహ్మద్‌ రఫీ, షేక్‌ నూర్‌ పాష, బజార్‌ సతీష్‌ అనే ముగ్గురు యువకులు మహరాష్ట్ర నుంచి రూ.100లకు ఒక పాకెట్‌ను కొనుగోలు చేసి ఇక్కడ రూ.500ల చొప్పున విక్రయాలు సాగిస్తున్నారు. అందులో భాగంగానే పట్టణంలోని శ్రీ సాయిబాబా ఆలయం వెనకాల గంజాయి విక్రయిస్తున్నారన్న సమాచారం మేరకు ఎక్సైజ్‌ పోలీసులు దాడులు చేశా రు. వారి నుంచి 58 పాకెట్ల 384 గ్రాముల గంజాయిని స్వాధీనం చేసుకు ని ముగ్గురిని అదుపులోకి తీసుకున్నారు. కేసు నమోదు చేసి రిమాండ్‌కు పంపినట్లు సీఐ తెలిపారు. సమావేశంలో ఎస్‌ఐలు సుధాకర్‌ రెడ్డి, సతీష్‌ కుమార్‌, సిబ్బ ంది తదితరులు పాల్గొన్నారు.