నవతెలంగాణ - మహమ్మదాబాద్‌
మండల కేంద్రంతో పాటు మండలంలోని వెంకట్‌ రెడ్డిపల్లి, గాదిర్యాల్‌, మంగంపేట తదితర గ్రామాల్లో విద్యుత్‌ ట్రాన్స్‌ ఫార్మర్లు ప్రమా దకరంగా దర్శనమిస్తున్నాయి. వాటికి ఎలాంటి రక్షణ గోడలు, కంచెలు ఏర్పాటు చేయలేవు. ఫలితంగా చుట్టూ పిచ్చిమొక్కలు పెరిగి ప్రమాదాలకు నిలయంగా మారాయి. అక్కడక్కడా ప్రధాన రహదారుల పక్కన ఉండడంతో ఎప్పుడే ప్రమాదం చోటు చేసుకుంటుం దోనని ప్రజలు భయాందోళన చెందుతున్నారు. ఇలాంటి పరిస్థితులు నెలకొన్నా సంబంధిత అధికారులు దృష్టి సారించడంలేదు. ఈ విషయంపై విద్యుత్‌ శాఖ అధికారి వెంకటయ్యను వివరణ కోరగా ట్రాన్స్‌ ఫార్మర్ల చుట్టూ కంచె వేసే అవకాశం తమ పరిధిలో లేదన్నారు. ట్రాన్స్‌ఫార్మర్లు ప్రమాదకరంగా ఉన్న మాట వాస్తవమేనని, పంచాయతీల్లో సర్పంచుల సహకారంతో కంచె ఏర్పాటు చేసేలా చర్యలు తీసుకుంటామని సమాధానమిచ్చారు.