కందనూలు : స్వాతంత్ర సమరయోధుడు సీపీఐ(ఎం) అఖిలభారత మాజీ కార్యదర్శి హరికిషన్‌ సింగ్‌ సూర్జిత్‌ తెలంగాణ సాయుధ రైతాంగ పోరాట యోధులు ఆశయాలను కొనసాగిస్తామని సీపీఐ(ఎం) జిల్లా కార్యదర్శి పర్వతాలు అన్నారు. జిల్లా కేంద్రంలోని అ పార్టీ కార్యాలయంలో సోమవారం వారి 14వ వర్ధంతి ని నిర్వహించారు. ఈ సందర్భంగా ఆయన మాట్లాడుతూ హరికిషన్‌ సింగ్‌ సూర్జిత్‌ స్వాతంత్ర పోరాటంలో 16 ఏండ్ల వయసులో జైలు జీవితాన్ని గడిపాడని గుర్తుచేశారు. తన జీవితకాలంలో 13 ఏండ్లపాటు జైలు జీవితం 20 సంవత్సరాల పాటు అజ్ఞాత జీవితాన్ని గడిపాడన్నారు. మతోన్మాద శక్తులకు వ్యతిరేకంగా దేశంలో యునైటెడ్‌ ఫ్రంట్‌ ఏర్పాటులో కీలకపాత్ర పోషించాడని గుర్తు చేశారు కష్ణమూర్తి రంగారెడ్డి జనగామ జిల్లాలలో సాయిధరహితంగా పోరాటంలో పేద ప్రజలకు భూమి పంపిణీలో కీలకపాత్ర పోషించాడని అన్నారు.ఈ కార్యక్రమంలో జిల్లా కార్యవర్గ సభ్యులు ఆర్‌ శ్రీనివాస్‌ జిల్లా కమిటీ సభ్యులు నరసింహ, శ్రీనివాస్‌, అశోక్‌, నాయకులు లక్ష్మయ్య ,చంద్రమౌళి, రషీద్‌, శివ, తదితరులు పాల్గొన్నారు.
