- మండల వ్యవసాయాధికారి సాయిరమేష్‌
నవతెలంగాణ- మహబూబ్‌నగర్‌ ప్రాంతీయ ప్రతినిధి
విత్తన ఎంపికలో తగిన జాగ్రత్తలు పాటిం తాడూర్‌ మండల వ్యవసాయ శాఖ అధికారి జి.సాయిరమేష్‌ రైతులకు సూచించారు. శనివారం మండలంలోని యాదిరెడ్డిపల్లె గ్రామానికి చెందిన రైతు బొడ్డుపల్లి శ్రీశైలం సాగు చేసిన కర్షక్‌ సీడ్స్‌ కంపెనీ సూపర్‌ వైట్‌ బీజి 2 ప్రత్తి పంట క్షేత్ర ప్రద ర్శన నిర్వహించారు. ఈ సందర్భంగా ఆయన మాట్లాడుతూ రైతులు పంటల సాగులో రసాయన ఎరువులు తగ్గించి,సూక్ష్మ పోషకాలు ,సేంద్రీయ ఎరువులు వాడకంతో అధిక దిగుబడులు సాధించవచ్చన్నారు. విత్తనాలు, పురుగు మందుల వాడకంలో నాణ్యమైన వాటినే ఎంచుకోవాలన్నారు. సర్పంచ్‌ ప్రవీ ణ్‌రెడ్డి మాట్లాడుతూ అత్యధికంగా ఇప్పటికే 90పెద్ద సైజు కాయలు ఉన్న ప్రత్తి పొలం ఇదేనన్నారు, రైతు శ్రీశైలం మాట్లాడుతూ తాను 1.50 సెంట్ల భూమిలో రెండు ప్యాకెట్లు సూపర్‌ వైట్‌ పత్తి గింజలు నాటానని ఇప్పటి వరకు రెండుసార్లు ఎరువు, నాలుగు సార్లు పురుగుమందు జల్లానన్నారు. పత్తి చెట్టుకు సుమారు 80నుండి 90 కాయలు ఉన్నాయని, ఎకరాకు 20క్వింటాళ్ల పత్తి దిగుబడి ఇచ్చే అవకాశం ఉందని అన్నారు. కంపెనీ మేనేజర్‌ నందిగం కోటేశ్వరరావు మాట్లాడుతూ తమ కంపెనీ రైతులకు నాణ్యమైన ప్రత్తి, హైబ్రి డ్‌ మిరప, పరిశోధన మిరప,వరి,మొక్కజొన్న,సోయా ,కూరగాయల విత్తనాలు అందిస్తున్నామన్నారు. కార్యక్రమంలో ఉప సర్పంచ్‌ ఆంజనేయులు, నాగర్‌ కర్నూల్‌ మహాలక్ష్మి సీడ్స్‌ బాలరాజు, కంపెనీ ప్రతినిధులు కె. పర్వతాలు, జె.రతన్‌ సింగ్‌, రామకృష్ణ,తాడూరు, నాగర్కర్నూల్‌, బిజినెపల్లి, కల్వకుర్తి, అచ్చంపేట, తెల్కపల్లి, మండలాలపరిధిలోని గ్రామాల రైతులు పాల్గొన్నారు.