అమరచింత : కమ్యూనిస్టు పార్టీ ఎదుగుదల కోసం అహర్నిశలు కృషి చేసిన మహౌ న్నతమైన వ్యక్తి చిన్న లచ్చన్న అని ఆయన ఆశయాలను ప్రతి ఒక్కరు కొనసాగించాలని సీపీఐ(ఎం) మండల కార్యదర్శి, మున్సిపల్‌ వైస్‌ చైర్మన్‌ జిఎస్‌ గోపి, బి. వెంకటేష్‌, ఆర్యన్‌ రమేష్‌, ఎస్‌ అజయ్‌లు అన్నారు. శుక్రవారం మండల కేంద్రంలోని ధూమ్‌ పాయి కుంటలో లబ్ధిదారులు గుడిసె వేసుకొని నిరసన వ్యక్తంచేస్తూ భూ పోరాటం కొనసాగిస్తున్నారని ఈ పోరాటంలో చిన్న లచ్చన్న 9 వ వర్ధంతి వేడుకలను సీపీఐ(ఎం) మండల కమిటీ ఆధ్వర్యంలో ఆయన చిత్రపటానికి పూలమాలవేసి ఘనంగా నివాళులు అర్పించారు. ఈ సందర్భంగా వారు మాట్లాడుతూ. చిన్న లచ్చన్న నిరుపేద బీడీ కార్మిక కుటుంబం లో జన్మించి బీడీ కార్మికుల సమస్యలపై నిరంతరం అలుపెరగని పోరాటం చేశారని వారు కొనియాడారు. కామ్రేడ్‌ చిన్న లచ్చన్న బీడీ కార్మిక సమస్యలపై ఎన్నో ఉద్యమాలు పోరాటం చేసిన పోరాటయోధుడు వారు అన్నారు. కార్యక్రమంలోబుచ్చన్న, అనంతమ్మ, శీను, రవి గుడిసెలు వేసుకున్న లబ్ధిదారులు పలువురు పాల్గొన్నారు.
