వనపర్తి : వనపర్తి మండలం రాజాపేట పెద్దతండాకు చెందిన రాజాపేట సింగిల్‌ విండో కాంగ్రెస్‌ డైరెక్టర్‌ నూన్‌ సావత్‌ జయరాం నాయక్‌ మంత్రి నిరంజన్‌ రెడ్డి సమక్షంలో సోమవారం టిఆర్‌ఎస్‌ చేరారు. రాష్ట్ర వ్యవసాయ శాఖా మంత్రి సింగిరెడ్డి నిరంజన్‌ రెడ్డి జయ రాంకు కండువా కప్పి పార్టీలోకి ఆహ్వానించారు. ఈ కార్యక్రమంలో సింగిల్‌ విండో వైస్‌ చైర్మన్‌ రఘువర్దన్‌ రెడ్డి, మాజీ వాటర్‌ షెడ్‌ డైరెక్టర్‌ బాలగౌడ్‌, సీనియర్‌ నాయకులు వెంకటేష్‌ నాయక్‌, కురుమూర్తి నాయక్లు ఉన్నారు.
కొత్తకోట: కొత్తకోట మండలం పామపురం గ్రామానికి చెందిన కాంగ్రెస్‌ పార్టీ మాజీ ఉప సర్పంచ్‌ రాములు,మాజీ వార్డు మెంబర్‌ రామకృష్ణ,మాజీ సింగిల్‌ విండో డైరెక్టర్‌ మాసన్న బీఎస్పీ పార్టీ గ్రామ అధ్యక్షుడు ప్రేమ్‌ కుమార్‌ తో పాటు 100 మంది కాంగ్రెస్‌ బిజెపి పార్టీలకు చెందిన కార్యకర్తలు అన్నసాగర్‌ లో దేవరకద్ర ఎమ్మెల్యే ఆల వెంకటేశ్వర్‌ రెడ్డి సమక్షంలో టీఆర్‌ఎస్‌ పార్టీలో చేరారు. పార్టీలో చేరేవారికి కండువాలు కప్పి పార్టీలోకి ఆహ్వానించారు. ఈ సందర్భంగా ఆయన మాట్లాడుతూ పార్టీలో అందరితో కలిసి పార్టీ అభివృద్ధికి పని చేయాలని పిలుపునిచ్చారు. ప్రభుత్వం చేపడుతున్న సంక్షేమ పథకాలు ప్రజలకు వివరించాలని సూచించారు. ఈ కార్యక్రమంలో జడ్పీ వైస్‌ చైర్మన్‌ వామన్‌ గౌడ్‌, ఎంపీపీ గుంత మౌనిక, మాజీ జడ్పీటీసీ విశ్వేశ్వర్‌, పామపురం సింగిల్‌ విండో అధ్యక్షుడు వాసుదేవ రెడ్డి, గాడిల ప్రశాంత్‌, భీమ్‌ రెడ్డి, కొండారెడ్డి, గులాబీ గోవింద్‌, అల్లబాష, ఉమామహేశ్వర్‌ రెడ్డి, లక్ష్మారెడ్డి నాయకులు కార్యకర్తలు తదితరులు పాల్గొన్నారు.
