- సద్దుల బతుకమ్మకు ఏర్పాట్లు చేయండి: జిల్లా కలెక్టర్‌ వెంకట్రావు
మహబూబ్‌ నగర్‌: జిల్లా కేంద్రంలోని జిల్లా పరిషత్‌ మైదానంలో సోమవారం నిర్వహిస్తున్న సద్దుల బతుకమ్మ వేడుకలకు ప్రతి మండలం నుండి ఒక పెద్ద బతుకమ్మ రావాలని జిల్లా కలెక్టర్‌ వెంకట్రావు అన్నారు. ఆదివా రం అధికారులతో ఆయన వీడియో కాన్ఫరెన్స్‌ నిర్వహించారు. మైదానంలో బతుకమ్మ ఆడడానికి వచ్చే మహిళలకు అన్ని రకాల ఏర్పాట్లు చేయాలని ఆయన అధికారులను ఆదేశించారు. ఉత్తమ బతుకమ్మల ఎంపిక ఉంటుందని బహు మతుల ప్రధానోత్సవం ఉంటుందని తెలిపారు. ఈ కార్యక్రమానికి రాష్ట్ర ఎక్సైజ్‌ క్రీడలు సాంస్కృతిక సమాచార శాఖ మంత్రి కుటుంబ సమేతంగా హాజరైతారని అధికారులు కూడా కుటుంబ సభ్యులతో కలిసి రావాలని అన్నారు. విడియో కాన్పరెన్స్‌లో అదనపు కలెక్టర్‌ తేజస్‌ నందలాల్‌ పవర్‌ పాల్గొన్నారు.