నవతెలంగాణ-మహబూబ్ నగర్ కలెక్టరేట్‌
పాలమూరు సాహితి ఆధ్వర్యంలో యువకవి తెలుగు తిరుమలేష్‌ రచించిన ''జీవన మొగ్గలు'' పుస్తకాన్ని జెడ్పీచైర్మన్‌ స్వర్ణసుధాకర్‌ రెడ్డి ఆవిష్కరించారు. మంగళవారం జిల్లా కేంద్రంలోని వాగ్దేవి జూనియర్‌ కళాశాలలో నిర్వహించిన పుస్తకావిష్కరణకు ఆమె ముఖ్యఅతిథిగా హాజరైయ్యారు. ఈ సందర్భంగా ఆమె మాట్లాడుతూ.. పాలమూరు జిల్లా కవుల కాణాచి అని, జిల్లాకు చెందిన ఎంతో మంది కవులు, రచయితలు చక్కగా కవిత్వం రాస్తున్నారని కితాబిచ్చారు. నిరం తరంగా పుస్తకాలను వెలువరిస్తూ జిల్లా ఖ్యాతిని ఇనుమడింపచేస్తున్నా రన్నారు. తెలుగు సాహిత్యంలో ఉన్న వివిధ కవితా ప్రక్రియలలో జిల్లా కవులు రచనలు చేస్తున్నారన్నారు. ఉమ్మడి పాలమూరు జిల్లాలో ''మొగ్గలు'' అనే నూతన కవితా ప్రక్రియ పురుడు పోసుకోవడం, దానిని సష్టించిన డాక్టర్‌ భీంపల్లి శ్రీకాంత్‌ సర్వదా అభినందనీయుడన్నారు. సభకు అధ్యక్షత వహించిన ప్రముఖ కవి, రాష్ట్ర ప్రభుత్వ కాళోజీ అవార్డు గ్రహీత కోట్ల వెంకటేశ్వర్‌ రెడ్డి మాట్లాడుతూ.. తెలుగులో వివిధ నూతన కవితా ప్రక్రియలు వచ్చినా ''మొగ్గలు'' తన స్థానాన్ని సుస్థిరం చేసు కుందన్నారు. ఉమ్మడి తెలుగు రాష్ట్రాల కవులు మొగ్గలను నిత్యం పరిమళిం పజేస్తున్నారన్నారు. ప్రత్యేక అతిథిగా విచ్చేసిన ఇండియన్‌ రెడ్‌క్రాస్‌ సొసైటీ రాష్ట్ర ప్రధాన కార్యదర్శి కె. మదన్‌ మోహన్‌రావు మాట్లాడుతూ.. ''మొగ్గలు'' కవితా ప్రక్రియ మన జిల్లాలోనే ఆవిర్భవించడం జిల్లాకే గర్వకారణమన్నారు. తెలుగు సాహిత్యంలో ఎన్నో ప్రక్రియలు ఉన్నా మొగ్గలు ప్రక్రియలో నేటితరం కవులు విస్తృతంగా రాయడం గొప్ప విషయమన్నారు. గౌరవ అతిథిగా విచ్చేసిన జిల్లా పబ్లిక్‌ ప్రాసిక్యూటర్‌ బెక్కం జనార్ధన్‌ మాట్లాడుతూ సమాజాన్ని చైతన్యపరిచే విధం గా కవులు రచనలు చేయాలన్నారు. ఆత్మీయ అతిథి, మొగ్గల ప్రక్రియ సృష్టికర్త డాక్టర్‌ భీంపల్లి శ్రీకాంత్‌ మాట్లాడుతూ.. మొగ్గల కవితా ప్రక్రియలో ఇప్పటికీ 40 పుస్తకాలకు పైగా కవితాసంపుటాలు వెలువడ్డాయన్నారు. ఉమ్మడి తెలుగు రాష్ట్ర కవులు మొగ్గలు ప్రక్రియను విశేషంగా ఆదరిస్తున్నారని, ప్రతిరోజూ మొగ్గల్లో కవిత్వం రాస్తున్నారన్నారు. పుస్తకాన్ని సమీక్ష చేసిన యువకవి బోల యాదయ్య మాట్లాడుతూ తెలుగు సాహిత్యంలో మొగ్గలు అనే నూతన కవితా ప్రక్రియ ప్రా రంభమై ఐదు వసంతాలు పూర్తిచేసుకున్నదన్నారు. తెలుగు సాహిత్యంలో ఎన్ని ప్రక్రియలు వచ్చినా మొగ్గలు ప్రక్రియ మాత్రం నిత్యనూతనంగా విరబూస్తూనే ఉన్నదన్నారు. తెలుగు తిరమలేష్‌ రచించిన ''జీవన మొగ్గలు'' పుస్తకంలో అనేక సామాజిక విషయాలను అక్షరబద్దం చేశారన్నారు. కార్యక్రమంలో జిల్లా సీనియర్‌ కవులు వల్లభాపురం జనార్దన, మహ్మద్‌ ఖాజామైనోద్దీన్‌, వై.దేవదానం, కె.లక్ష్మణ్‌ గౌడ్‌, కూర హన్మయ్య, కమలేకర్‌ శ్యాంప్రసాద్‌ రావు, నందిగామ కిశోర్‌ తదితరులు పాల్గొన్నారు.
