- 25తులాల బంగారం,1కిలో వెండి
- 3లక్షల నగదు
నవ తెలంగాణ -జడ్చర్ల
            జడ్చర్ల పట్టణంలో పట్టపగలు తాళం వేసిన ఇంట్లో గుర్తుతెలియని వ్యక్తులు భారీ చోరీకి పాల్పడిన సంఘటన చోటుచేసుకుంది. బాధితులు సమిత రాజశేఖర్ల కథనం మేరకు వివరాలు ఇలా ఉన్నాయి.... బాదేపల్లి పట్టణంలోని దయానంద విద్యా మందిర్‌ సమీపంలో నివాసం ఉంటున్న రాజశేఖర్‌ దంపతులు వ్యవసాయ మార్కెట్‌ సమీపంలో కిరాణా షాప్‌ నిర్వహిస్తున్నారు. శుక్రవారం ఉదయం 10 గంటల సమయంలో సమిత ఇంటికి తాళం వేసి కిరాణా షాప్‌ కి వెళ్ళింది. భార్య భర్తలు మధ్యాహ్నం రెండున్నర ప్రాంతంలో ఇంటికి భోజనానికి రాగా తాళం పగలగొట్టి ఉండడం చూసి అనుమానం వచ్చి ఇంట్లోకి వెళ్లి చూడగా బీరువాలను తెరిచి ఉండడంతో అందులో సామాన్లను చూడగా 26 తులాల బంగారం ఒక కిలో వెండి బ్యాగులో ఉంచిన మూడు లక్షల రూపాయల నగదు కనిపించకపోవడంతో 100 నెంబర్‌ కు ఫోన్‌ చేసి పోలీసులకు ఫిర్యాదు చేసినట్టు పేర్కొన్నారు. కాగా ఇటీవల ఇంట్లో పూజలు నిర్వహించగా బంగారు వెండి ఇంట్లోనే ఉంచినట్టు బాధితులు తెలిపారు. గురువారం అంతకు రెండు రోజుల ముందు కిరాణా షాప్‌ యొక్క నగదును ఇంట్లో ఒక బ్యాగులో ఉంచినట్టు వాపోయారు.