బెంగళూరు : దేశంలోనే అతిపెద్ద ఐటి కంపెనీ టాటా కన్సల్టెన్సీ సర్వీసెస్‌ (టిసిఎస్‌)లో ఈ ఏడాది చివరి నాటికి ఉద్యోగుల సంఖ్య ఐదు లక్షలకు చేరనుంది. దీంతో ప్రపంచ ఐటిలోనే వచ్చే రెండు, మూడేళ్లలో ఉద్యోగ కల్పనలో అగ్రస్థానంలోకి చేరనుంది. ప్రస్తుతం ఈ రంగంలో 5.37 లక్షల ఉద్యోగులతో అమెరికన్‌ కంపెనీ అసెంచర్‌ అతిపెద్ద ఉద్యోగ కల్పన సంస్థగా ఉంది. 2020-21 ఆర్థిక సంవత్సరంలో టిసిఎస్‌ కొత్తగా 40వేల మందిని తీసుకోవడంతో ప్రస్తుతం 4,88,469 ఉద్యోగులకు చేరారు. ఇందులో 90వేల మంది ఇతర దేశాల్లో పని చేస్తున్నారు. దేశంలోనూ ప్రయివేటు రంగంలో అత్యధిక ఉద్యోగాలు కల్పిస్తోన్న సంస్థల్లో టిసిఎస్‌ పెద్దదిగా ఉంది.
మీ స్నేహితులకు రికమెండ్ చెయ్యండి
