నవతెలంగాణ హైదరాబాద్
గత 40 ఏండ్లలో మధుమేహంతో బాధపడుతున్న వారి సంఖ్య ప్రపంచవ్యాప్తంగా నాలుగు రెట్లు పెరిగింది. ఈ కేసుల సంఖ్య భారతదేశంలో మరింత ఎక్కువగా ఉంది. ముంబైలో ప్రీ డయాబెటీస్‌తో బాధపడుతున్న 
కౌమారదశ బాలలు, యుక్త వయసు వారు (16–25 సంవత్సరాలు)పై ఈ అధ్యయనం చేశారు. ర్యాండమ్‌గా , ప్రీ డయాబెటీస్‌ దశలో ఉన్న 275 మంది అభ్యర్థులు (56 మంది పురుషులు, 216 మంది స్త్రీలు) పై ఈ అధ్యయనం నిర్వహించారు. ఈ అధ్యయన ఆరంభంలో, ఎంపిక చేసిన అభ్యర్థుల బరువు, ఎత్తు, నడుమ చుట్టు కొలత, హిప్‌ చుట్టుకొలత తీసుకోవడంతో పాటుగా ఫాస్టింగ్‌ బ్లడ్‌ షుగర్‌ నమూనాలు తీసుకోవడం జరిగింది. అంతేకాకుండా అధ్యయనంలో పాల్గొన్న వ్యక్తులకు గ్లూకోజ్‌ టోలరెన్స్‌ పరీక్షలు, లిపిడ్‌ ప్రొఫైల్స్‌ పరీక్షలను సైతం చేశారు. బాదములను స్నాక్స్‌గా తీసుకోవడం వల్ల ప్రీ డయాబెటీస్‌ దశలోని కౌమారదశ, యువతలో గ్లూకోజ్‌ మెటబాలిజం వృద్ధి చెందుతుందని ఓ నూతన అధ్యయనం వెల్లడించింది. బాదములను తీసుకోవడం వల్ల బ్లడ్‌ గ్లూకోజ్‌, లిపిడ్స్‌, ఇన్సులిన్‌ సహా జీర్ణక్రియ పనిచేయకపోవడం పై ఎలాంటి ప్రభావం చూపుతుందనేది క్లీనికల్‌ ట్రయల్స్‌ చేయడం ద్వారా కనుగొనే ప్రయత్నం చేశారు. బాదములు తీసుకున్న వారిలో హెచ్‌బీఏ1సీ స్థాయిలు నియంత్రిత గ్రూప్‌తో పోలిస్తే గణనీయంగా తగ్గాయి. ప్రీ డయాబెటీస్‌ దశలో బ్లడ్‌ షుగర్‌ లెవల్స్‌ పెరగడం వల్ల మధుమేహ నివారణ సాధ్యం కావడం లేదా అభివృద్ధిని ఆలస్యం చేయడం సాధ్యమవుతుంది. అదనంగా, బాదములను తీసుకోవడం వల్ల టోటల్‌ కొలెస్ట్రాల్‌ మరియు చెడు ఎల్‌డీఎల్‌ కొలెస్ట్రాల్‌ గణనీయంగా కంట్రోల్‌ గ్రూప్‌తో పోల్చినప్పుడు తగ్గింది. అదే సమయంలో చక్కటి హెచ్‌డీఎల్‌ కొలెస్ట్రాల్‌ స్ధాయిలను నిర్వహించడమూ జరిగింది.
‘‘మెరుగైన పౌష్టికాహారం, వ్యాయామాలు సహా జీవనశైలి మార్పులు వంటివి కౌమార దశ వయసు తో పాటుగా యుక్త వయసులోని పెద్దలలో ప్రీ డయాబెటీస్‌ నుంచి టైప్‌ 2 డయాబెటస్‌గా మారడం నియంత్రించడంలో సహాయపడతాయి. ఈ అధ్యయనంలోని ఫలితాలు వెల్లడించే దాని ప్రకారం ఈ మార్పులను గణనీయంగా చేసుకోవాల్సిన అవసరం లేదు. ప్రతి రోజూ రెండు పూటలా బాదములు తీసుకోవడం వల్ల కూడా పెనుమార్పుకు కారణమవుతుంది. ఈ అధ్యయన ఫలితాలు ఆశాజనకంగా ఉన్నాయి. దీనిలో ఏ విధంగా టోటల్‌, ఎల్‌డీఎల్‌ కొలెస్ట్రాల్‌ తగ్గుతుందో చూపడంతో పాటుగా హెచ్‌బీఏ1సీ స్థాయిలు కూడా ఏ విధంగా కేవలం 12 వారాల వినియోగంతో తగ్గాయో వెల్లడించింది’’ అని ఈ అధ్యయనంలో కీలకంగా వ్యవహరించిన డాక్టర్‌ జగ్మీత్‌ మదన్‌, పీహెచ్‌డీ, ప్రొఫెసర్‌, ప్రిన్సిపాల్‌, విఠల్‌దాస్‌ ఠాకర్‌సీ కాలేజీ ఆఫ్‌ హోమ్‌ సైన్స్‌ (అటానమస్‌), ఎస్‌ఎన్‌డీటీ ఉమెన్స్‌ యూనివర్శిటీ (ముంబై) అన్నారు.
