న్యూఢిల్లీ : కృష్ణ ఆగ్రో బయో ప్రోడక్ట్స్‌కు చెందిన బయో క్యాప్సూల్స్‌కు ఐసిఎఆర్‌- ఐఐఎస్‌ఆర్‌ నుంచి సాంకేతిక అనుమతులు లభించినట్లు ఆ సంస్థ తెలిపింది. గత ఆరు ఏళ్లుగా రైతులకు నానో బయో గుళికలను సరఫరా చేస్తున్న తమ సంస్థ ఉత్పత్తులకు పేటెంటె సాంకేతికతను వినియోగించుకునేందుకు ఇండియన్‌ ఇనిస్టిట్యూట్‌ ఆఫ్‌ స్పైసెస్‌ రీసెర్చ్‌ లైసెన్స్‌ మంజూరు చేసిందని పేర్కొంది. మెరుగైన నేల పోషక ద్రావణీకరణ, వద్ధి, దిగుబడి కోసం వ్యవసాయ పంటలకు పంపిణీ చేసే జెలటిన్‌ గుళికలకు ఆకర్షితమయ్యే సూక్ష్మ జీవుల సంపుటీకరణను ఈ సాంకేతిక పరిజ్ఞానం కలిగి ఉంటుందని పేర్కొంది.
మీ స్నేహితులకు రికమెండ్ చెయ్యండి
