హైదరాబాద్: భారతదేశంలోని ప్రముఖ అమ్యూజ్‌మెంట్ పార్కుల చెయిన్ వండర్‌లా హాలిడేస్ లిమిటెడ్, తన వండర్‌లా హైదరాబాద్ కేంద్రాన్ని గతంలో ఎంపిక చేసిన రోజుల్లో మాత్రమే సందర్శకులను అనుమతిస్తూ రాగా, 2021 సెప్టెంబరు 2 నుంచి ఇకపై సోమవారం నుంచి ఆదివారం వరకు అన్ని రోజులూ తెరిచి ఉంచుతామని ప్రకటించింది. నిత్యం ఉదయం 11 నుంచి సందర్శకులు ల్యాండ్,  వాటర్ రైడ్స్ అన్నింటినీ వినియోగించుకునేందుకు అవకాశం ఉంటుంది. అత్యున్నత భద్రతకు హామీ ఇచ్చే అమ్యూజ్‌మెంట్ పార్కులో కుటుంబం, స్నేహితులతో ఉత్తమ సమయాన్ని గడిపేందుకు ఇంతకన్నా మంచి చోటు మరెక్కడా దొరకదు.
            వండర్‌లా హైదరాబాద్ ప్రభుత్వం, కేంద్ర ఆరోగ్య మంత్రిత్వ శాఖ జారీ చేసిన అన్ని అవసరమైన మార్గదర్శకాలను అనుసరిస్తుంది. పరిశుభ్రత, భద్రతా విధానాల్లో భాగంగా కంపెనీ రైడ్స్, రెస్టారెంట్లు, క్యూ ప్రాంతాలు, కియోస్క్‌ తదితర ప్రాంతాల్లో గెస్ట్‌లు భౌతిక దూరం పాటించేలా ఫ్లోర్‌పై గుర్తులు ఉంచారు. హైపోక్లోరైట్ ద్రావణాన్ని ఉపయోగించి కామన్ ఏరియాలు నిత్యం శుభ్రం చేయబడతాయి. ఆమోదించబడిన రసాయనాలతో రైడ్‌లను తరచుగా శుభ్రపరుస్తారు. వండర్‌లా సిబ్బంది అందరూ టీకా వేయించుకున్నారు. మాస్కులు ధరించే ఉంటారు. అన్ని రైడ్‌లు, రెస్టారెంట్లు, ఛేంజింగ్ రూమ్‌లు, ఇతర ఎంట్రీ పాయింట్‌లలో ఆటోమేటిక్ హ్యాండ్ శానిటైజర్‌లు అందుబాటులో ఉంటాయి. మాస్కులు, చేతి గ్లౌజులు, హ్యాండ్ టిష్యూలను పారవేసేందుకు ప్రత్యేకమైన చెత్త డబ్బాలు అన్ని ప్రాంతాల్లో అందుబాటులో ఉంచారు. సరైన డిస్‌ఇన్‌ఫెక్షన్‌ను నిర్ధారించేందుకు నీటిలో తగినంత క్లోరిన్ స్థాయిని నిర్వహించేందుకు ఆన్‌లైన్ విధానంలో రసాయన మోతాదును తరచూ పర్యవేక్షిస్తున్నారు.
        భౌతిక దూరాన్ని పాటించే ప్రోటోకాల్‌కు అనుగుణంగా వండర్‌లాను సందర్శించే వారికి ఎంట్రీ టిక్కెట్లను ఆన్‌లైన్ పోర్టల్ bookings.wonderla.com ద్వారా ముందుగా టిక్కెట్లను కొనుగోలు చేసుకోవాలని ప్రోత్సహిస్తోంది. భారతదేశంలో పరిశుభ్రత నిర్వహణ వ్యవస్థ కోసం BVQI నుంచి కొవ్-సేఫ్ ధృవీకరించబడిన మొదటి అమ్యూజ్‌మెంట్ పార్క్ వండర్‌లా. ఈ అమ్యూజ్‌మెంట్ పార్క్ రావిరాల విలేజ్ ఔటర్ రింగ్ రోడ్డు ఎగ్జిట్ నం.13 వద్ద ఉంది. మరిన్ని వివరాలు లేదా బుకింగ్ కోసం వండర్‌లా వెబ్‌సైట్‌ను సందర్శించండి: https://www.wonderla.com/ లేదా 040 23490300, 040 23490333 నంబర్లకు కాల్ చేయండి.