- డిజిటల్‌ గిఫ్టింగ్‌ సొల్యూషన్‌ – ఒన్‌4యు ఫ్యూయల్‌ గిఫ్టింగ్‌ కార్డ్‌ ఆవిష్కరణ
నవతెలంగాణ హైదరాబాద్: అత్యంత శుభప్రదమైన ధన్‌తేరస్‌ సందర్భాన్ని పురస్కరించుకుని ఇండియన్‌ ఆయిల్‌ సంస్ధ రెండు వినూత్నమైన వినియోగదారుల లక్ష్యిత ఆఫరింగ్స్‌ను ఇండియన్‌ ఆయిల్‌ అభిమానుల కోసం దేశవ్యాప్తంగా తీసుకువచ్చింది. ఈ కంపెనీ ఇప్పుడు స్వచ్ఛమైన, ప్రకృతి అనుకూలమైన డీజిల్‌ ‘ఎక్స్‌ట్రాగ్రీన్‌’ను 63 నగరాల్లోని 126 ఫ్యూయల్‌ స్టేషన్స్‌ వ్యాప్తంగా అందుబాటులోకి తీసుకురావడంతో పాటుగా ఇండియన్‌ ఆయిల్‌ ఫ్యూయల్‌ గిఫ్ట్‌ కార్డ్‌, ‘ఒన్‌ 4యు’ను సైతం విడుదల చేసింది.
ఎక్స్‌ట్రాగ్రీన్‌, ఒన్‌4యు ను ఇండియన్‌ ఆయిల్‌ ఉన్నతాధికారులు డాక్టర్‌ ఎస్‌ వీ రామకుమార్‌, డైరెక్టర్‌ (రీసెర్చ్‌ అండ్‌ డెవలప్‌మెంట్‌, పెట్రో కెమికల్‌ అండ్‌ బిజినెస్ డెవలప్‌మెంట్‌) వి సతీష్‌ కుమార్‌, డైరెక్టర్‌(మార్కెటింగ్‌) సమక్షంలో ఛైర్మన్‌ శ్రీకాంత్‌ మాధవ్‌ వైద్య ఆవిష్కరించారు. ఆగ్రాలోని ఇండియన్‌ ఆయిల్‌ ఫ్యూయల్‌ స్టేషన్‌ వద్ద ఎక్స్‌ట్రాగ్రీన్‌ విక్రయాలను శ్రీ వైద్య ప్రారంభించారు. ఈ సందర్భంగా ఇండియన్‌ ఆయిల్‌ ఛైర్మన్‌ మాట్లాడుతూ ‘‘ ఆహ్లాదకరమైన భవిష్యత్‌ దిశగా ఇండియాను తీసుకువెళ్లాలనే ప్రధానమంత్రి యొక్క నిబద్ధతకు అనుగుణంగా ఎక్స్‌ట్రాగ్రీన్‌ను విడుదల చేశాం. కర్బన ఉద్గారాలను తగ్గించడంతో పాటుగా 2070 నాటికి నెట్‌ జీరో గోల్‌ చేరుకోవడంలోనూ ఇది తోడ్పడుతుంది. వినియోగదారుల అనుభవాలను వృద్ధి చేస్తూనే పర్యావరణ పరంగా సున్నితమైన మార్కెట్‌లలో ప్రత్యేకమైన పరిష్కారాలను అందించాలనే ఇండియన్‌ ఆయిల్‌ యొక్క నిబద్ధతను ఇది వెల్లడిస్తుంది’’ అని అన్నారు.
సాధారణ డీజిల్‌తో పోలిస్తే అదనపు ప్రయోజనాలను ఎక్స్‌ట్రాగ్రీన్‌ అందిస్తుంది. దీనితో ఇంధన సామర్థ్యం 5–6% పెరగడంతో పాటుగా కార్బన్‌డైఆక్సైడ్‌ ఉద్గారాలు తగ్గడం, కార్బన్‌ మోనాక్సైడ్‌ ఉద్గారాలు 5.29% తగ్గడం, నైట్రోజన్‌ఆక్సైడ్‌ ఉద్గారాలు 4.99% తగ్గడం సాధ్యమవుతుంది.
మారుతున్న వినియోగదారుల అవసరాలు పరిగణలోకి తీసుకుని, ఇండియన్‌ ఆయిల్‌ ఫ్యూయల్‌ స్టేషన్‌ల వద్ద సౌకర్యం మెరుగుపరచడానికి ఒన్‌4యు గిఫ్ట్‌ కార్డ్‌ ఆవిష్కరించారు. ఈ కార్డు గురించి వైద్య వెల్లడిస్తూ ‘‘వినియోగదారులకు అనుకూలంగా ఉండే ఈ కార్డుతో వినియోగదారులు పలు గిఫ్టింగ్‌ డినామినేషన్స్‌ ఎంపిక చేసుకుని, గ్రహీత వివరాలు నమోదు చేయడంతో పాటుగా ఓచర్‌ చెల్లింపులు చేస్తే సరిపోతుంది. ఈ గిఫ్టింగ్‌ సొల్యూషన్‌కు మిల్లీనియల్స్‌ నుంచి అపూర్వ ఆదరణ లభిస్తుందని ఆశిస్తున్నాము’’ అని అన్నారు.
