హైదరాబాద్ : అశోక యూనివర్సిటీ తన ఫ్లాగ్‌షిప్ కార్యక్రమం అయిన యంగ్ ఇండియా ఫెలోషిప్ (వైఐఎఫ్)లో భాగంగా 12వ బృందం కోసం రెండు మరియు మూడో విడత దరఖాస్తులను నేడు ప్రకటించింది. మార్చి 15, 2022 వరకూ వీటిని స్వీకరిస్తారు. 2011లో ఆరంభమైన యంగ్ ఇండియా ఫెలోషిప్ (వైఐఎఫ్) 21వ శతాబ్దం కోసం సామాజిక స్ఫూర్తి కలిగిన నాయకులు అలాగే సంస్కర్తలను సిద్ధం చేస్తోంది. లిబరల్ స్టడీస్‌లో పూర్తిగా రెసిడెన్షియల్ విదానంలో ఉండే ఏడాది కాల వ్యవధి గల మల్టీడిసిప్లినరీ పోస్ట్ గ్రాడ్యుయేట్ డిప్లొమా ఇది. ఫెలోస్‌కు ఇది ఏడాది కాలంలోనే బహుళ విద్యా విభాగాలు మరియు ప్రొఫెషనల్ విభాగాల్లో నేర్చుకునే అవకాశం కల్పిస్తుంది.
ఆసక్తి గల వ్యక్తులు అందరూ ఆన్‌లైన్ దరఖాస్తును పూర్తి చేయాల్సి ఉంటుంది. దరఖాస్తులను సంపూర్ణంగా పరిశీలించి, ఆన్‌లైన్ రాత పరీక్ష మరియు వ్యక్తిగత ఇంటర్వూ కోసం షార్ట్‌లిస్ట్ చేయడం జరుగుతుంది. షార్ట్‌లిస్ట్ చేయబడిన అభ్యర్థులు ఆర్థిక సాయం కోసం కూడా దరఖాస్తు చేసుకునే అవకాశం లభిస్తుంది. దరఖాస్తు చేసే సమయంలో డాక్యుమెంట్ల సమర్పణ విషయంలో సడలింపులు ఉంటాయి, అలాగే కోవిడ్-19 మహమ్మారి వ్యాప్తి నేపథ్యంలో భౌతిక దూరం ఇంకా భద్రతకు భరోసా కోసం ఈ మొత్తం అడ్మిషన్ ప్రక్రియ అంతా ఆన్‌లైన్‌లోనే జరుగుతుంది.
ఏ విభాగంలోనైనా గుర్తింపు కలిగిన అండర్‌గ్రాడ్యుయేట్ డిగ్రీ ఉన్న అభ్యర్థులు (దరఖాస్తు చేసే నాటికి ఆఖరు సంవత్సరం విద్యార్థులు కూడా అయి ఉండవచ్చు), అలాగే 1 ఆగస్ట్ 2022 నాటికి 28 సంవత్సరాల వయస్సు మించని వారు దరఖాస్తు చేసుకోవడానికి అర్హులు. అభ్యర్థులు ఉద్యోగ అనుభవం మరియు/లేదా పోస్ట్‌గ్రాడ్యుయేట్ డిగ్రీ, అలాగే ఏవిధమైన విద్యాపరమైన లేదా ప్రొఫెషనల్ నేపథ్యం నుంచి అయినా ఉండవచ్చు. వైఐఎఫ్ 2022-23 బ్యాచ్‌లో ఇండియా మరియు విదేశాల నుంచి అత్యుత్తమ ప్రతిభావంతులైన సుమారు 100 మందికి అవకాశం కల్పించనున్నారు.
యంగ్ ఇండియా ఫెలోషిప్ డీన్ అనిహా బ్రార్ ఈ కోర్సు గురించి తెలియజేస్తూ, ‘‘దశాబ్దం క్రితం అపూర్వమైన ప్రయోజనాలతో వైఐఎఫ్ ఉన్నత విద్యా రంగంలోకి అడుగుపెట్టింది. అసాధారణ బృందం, అద్భుతమైన భోదనా సిబ్బంది (ఫ్యాకల్టీ), అలాగే రైటింగ్, క్రిటికల్ థింకింగ్ ఇంకా రియల్ వరల్డ్ ప్రాజెక్టుల ఆధారంగా ఈ ప్రోగ్రామ్‌ను రూపొందించడం జరిగింది. వైఐఎఫ్ బలం తన వారసత్వంపై ఆధారపడి లేదు, అయితే అశోక యూనివర్సిటీ అందిస్తున్న అసాధారణ ప్రయోజనాలను కొనసాగిస్తూ తనను తాను ఎల్లప్పుడూ తిరిగి ఆవిష్కరించుకుంటూ వస్తోంది.’’ అని పేర్కొన్నారు.
వైఐఎఫ్ ’14 డైరెక్టర్, అవుట్‌రీచ్ మరియు అడ్మిషన్స్, అశోక అలుమ్ని అసోసియేషన్ వ్యవస్థాపక అధ్యక్షుడు కరన్ భోళా దీని గురించి మాట్లాడుతూ... ‘‘పూర్తిగా ఆన్‌లైన్ మరియు పరిపూర్ణ అడ్మిషన్ ప్రక్రియ వల్ల దరఖాస్తుదారులు సొంతంగా అన్ని చక్కబెట్టుకోవడానికి వీలవుతుంది అలాగే వివిధ దశల్లో వారి అత్యుత్తమ ప్రామాణిక ప్రత్యేకతలను బయటపెట్టేలా చేస్తుంది. వైవిధ్యభరితమైన మరియు అసాధారణమైన 11వ బృందం కోసం మేం వేచిచూస్తున్నాం. పరిశ్రమలు, భోధన, ఎంట్రప్రెన్యూర్‌షిప్ లేదా ఇంకా మరెక్కడైనా సరే మహమ్మారి తదనంతరం అర్థవంతమైన కెరీర్స్‌ కోసం ఎంతో కీలకమైన అంతర్గత క్రమశిక్షణ దృక్పథాలు మరియు సామర్థ్యాలతో కూడిన పట్టభద్రులను సిద్ధం చేయడమే దీని లక్ష్యం. స్వయంగా నేను కూడా ఒక ఫెలో అయినందున, యువత కోసం వైఐఎఫ్ ఎలాంటి సమూల మార్పులను తీసుకొస్తుందనేది నాకు స్పష్టంగా తెలుసు’’ అని వివరించారు.
ఎంపికైన అభ్యర్థులకు అశోక యూనివర్సిటీ వారి అవసరాల ప్రకారం ఆర్థిక సహాయ ప్రోగ్రామ్‌ను అందిస్తోంది. ప్రోగ్రామ్ వ్యయం అలాగే వారి చెల్లింపు సామర్థ్యం మధ్య అంతరాన్ని పూడ్చడం కోసం తగిన ఆర్థిక తోడ్పాటును అందించడమే దీని లక్ష్యం. అవసరాల అధారిత సహాయం అనేది ఫీజుల్లో మాఫీల రూపంలో అందించడం జరుగుతుంది. ట్యూషన్ ఫీజులో 25 శాతం రాయితీ నుంచి నివాసం మరియు భోజనాలతో సహా మొత్తం ఫీజులో 100 శాతం శ్రేణిలో ఈ మాఫీలు ఉంటాయి.
గడిచిన దశాబ్ద కాలంలో, అశోక యూనివర్సిటీలోని యంగ్ ఇండియా ఫెలోషిప్ (వైఐఎఫ్) లిబరల్ ఆర్ట్స్ మరియు సైన్సెస్‌కు సంబంధించిన విద్యాభ్యాసంలో విద్యార్థులకు శిక్షణనిస్తూ వస్తోంది. సమస్యల పరిష్కారం అలాగే ఆలోచించడంలో కొత్త మార్గాలను వారికి కల్పిస్తోంది, ప్రభావవంతమైన కెరీర్స్‌ కోసం వారిని సంసిద్ధులుగా చేస్తోంది. హార్వర్డ్, యేల్, ఐఎస్­బి, యూనివర్శిటీ ఆఫ్ ఢిల్లీ తదితర సంస్థల నుంచి విభిన్నమైన ఫ్యాకల్టీ సభ్యులు ఉన్నారు. వైఐఎఫ్ కమ్యూనిటీకి ఫోకస్డ్ రెసిడెన్షియల్ అనుభవాన్ని సృష్టించేందుకు ప్రత్యేక ప్రయత్నాలు జరుగుతున్నాయి.
మరింత సంక్లిష్టమైన సమస్యలను పరిష్కరించాల్సిన అవసరం పెరుగుతున్న నేపథ్యంలో, చాలామంది వ్యక్తులు తమ 20ల్లో ఇప్పుడు క్రమబద్ధ డిగ్రీలకు మించి ఏదైనా చేయాలని చూస్తున్నారు. ఈ తరుణంలోనే లిబరల్ ఆర్ట్స్ మరియు సైన్సెస్‌ విద్యాభ్యాసం అంతకంతకూ ప్రాధాన్యం సంతరించుకుంటోంది. విద్యార్థులు అలాగే యువ వృత్తి నిపుణులకు విశాల దృక్పథంతో కూడిన విద్యను అందించాలన్న దృష్టితో, ఈ లిబరల్ ఆర్ట్స్ డిగ్రీ అనేది ప్రజా విధానాలు, చరిత్ర, నాయకత్వం, వ్యూహం, ఫైన్ ఆర్ట్స్, మీడియా, కమ్యూనికేషన్, అలాగే ఇంకా అనేక రంగాల్లో బోధనను అందిస్తుంది. కార్పొరేట్ వ్యూహాన్ని రూపొందించేందుకు అవసరమైన సునిశితత్వాన్ని పొందేలా లిబరల్ ఆర్ట్స్ ప్రోత్సహిస్తుంది, అలాగే భారతదేశం యొక్క సంక్లిష్టమైన సామాజిక నిర్మాణం గురించి కూడా అవగాహన పెంచుతుంది. నేటి సమాజం అలాగే ఇప్పుడున్న పరిస్థితుల్లో విజయం సాధించేందుకు అవసరమైన సంపూర్ణ నైపుణ్యాలను సమర్థవంతంగా నేర్చుకోవాలంటే లిబరల్ ఆర్ట్స్‌లో డిగ్రీ తప్పనిసరిగా ఉండాల్సిందే.
అశోక యూనిర్సిటీ గురించి:  www.ashoka.edu.in
అశోక యూనివర్సిటీ ప్రపంచ స్థాయి ప్రమాణాలతో సమానంగా లిబరల్ విద్యను అందించడంపై దృష్టి సారించి మార్గనిర్ధేశం చేస్తోంది. అశోకలో విధ్యాభ్యాసం మూల జ్ఞానాన్ని అందించడంపై బలంగా దృష్టిపెడుతుంది, కఠినమైన భోధన ఆధారిత విద్యా పరిశోధన, అలాగే వాస్తవ ప్రపంచపు సవాళ్లను ఎదుర్కొనే విధంగా సరైన అనుభవం ద్వారా దీన్ని అందిస్తోంది. భారత్‌లోని 28 రాష్ట్రాలు అలాగే 100 నగరాలు అదేవిధంగా 17 ఇతర దేశాల నుంచి 2000 మందికి పైగా విద్యార్థులు ఇక్కడ విధ్యనభ్యసిస్తున్నారు. అంతర్జాతీయంగా పేరొందిన అధ్యాపకులతో అండర్‌గ్రాడ్యుయేట్ మరియు పోస్ట్-గ్రాడ్యుయేట్ ప్రోగ్రామ్స్‌ ద్వారా ఇక్కడ విద్యార్థులు ప్రపంచ స్థాయి, అంతర్గత క్రమశిక్షణతో కూడిన విద్యను అందుకుంటున్నారు.
వైఐఎఫ్ గురించి...
2011లో ప్రారంభించిన వైఐఎఫ్, విభిన్న విద్య, వృత్తి, సామాజిక-ఆర్థిక మరియు భౌగోళిక నేపథ్యాలకు చెందిన 100 మంది ప్రతిభావంతులైన మరియు ఆసక్తిగల వ్యక్తులను ఒక్కచోటుకు చేర్చింది. మెరుగైన మేధో మరియు వృత్తిపరమైన అవకాశాలను అంచనా వేయడంలో వారికి సహాయపడే కొత్త తరపు విద్యా అనుభవాల శ్రేణికి వారిని తెలియజేస్తోంది.