న్యూఢిల్లీ : టాటా సన్స్‌ ఛైర్మన్‌గా ఎన్‌ చంద్రశేఖరన్‌ను మరో ఐదేండ్లు కొనసాగించేలా ఆ కంపెనీ బోర్డు నిర్ణయం తీసుకుంది. శుక్రవారం జరిగిన బోర్డు మీటింగ్‌కు రతన్‌టాటా ప్రత్యేకంగా హాజరయ్యారు. 58 ఏళ్ల చంద్రశేఖరన్‌ పనితీరు, టాటా గ్రూపు ప్రగతిపై రతన్‌ టాటా సంతృప్తిని వ్యక్తం చేశారు. ఇప్పటికే ఐదేండ్లుగా ఈ హౌదాలో పని చేస్తున్న చంద్రశేఖరన్‌ను పదవీని కొనసాగించడానికి బోర్డు ఏకగ్రీవంగా ఆమోదం తెలిపింది. మరో దఫా తనకు అవకాశం ఇవ్వడం చాలా సంతోషకరమని ఆయన పేర్కొన్నారు. గడిచిన ఐదేళ్లలో విమానయానం, స్టీల్‌, డిజిటల్‌ రంగాల్లో చంద్రశేఖరన్‌ కొత్త విలీనాలు, వ్యాపారాలను సాధించారు.
మీ స్నేహితులకు రికమెండ్ చెయ్యండి
